Passar for deg som likar aktivitetar ute og inne, å prøve nye aktivitetar, å utfordre deg sjølv, vere saman med andre, delta i gruppe-aktivitetar, lære deg samanhengen mellom kosthald og helse, motivere deg sjølv og andre og oppleve glede og meistring.

Liker du å vere i bevegelse og ha det kjekt saman med andre utandørs? Da er dette valfaget perfekt for deg! Vi kjem til å vere mykje ute, gå på kjekke turar, kose oss rundt bålet med god mat, lære om kart og kompass, 

lære om korleis vi påverkar naturen og miljøet, og andre uteaktivitetar. For å rekke og ha det kjekt utandørs, kan det hende at vi nokre gongar kjem til å vere lenger enn skuletida, eller planlegge og gjennomføre overnatting. Dette vert i så fall avspasert andre valfagstimar.

Passar for deg som likar å bruke noko gamalt og la det bli nytt, designe kreative bruksgjenstandar eller kunstprodukt, bruke ulike teknikkar, materiale og verktøy, samarbeide med andre og oppleve glede med å skape og sjå noko bli til.

Kan du tenkje deg å lære å kode? 

Vi nyttar ulike programmeringsspråk, og du vil lere både blokk- og tekstprogrammering (Python).  Du vil få lære om algoritmisk tankegang, og få øve deg på problemløysing, kritisk tenking og feilsøking. Du må kunne jobbe sjølvstendig og vere uthalden for koding kan ofte by på ein del feilsøking. Om du er ein kreativ og nysgjerrig elev som likar utfordringar og lære nye ting, er dette valfaget for deg!

Passar for deg som har ein idé og ynskje om å drive ei bedrift saman med andre elevar (4-6 elevar). De får rettleiing av lærarane dykkar undervegs, men det er dykkar eige pågangsmot, kreativitet og innsats som vil avgjere korleis de lukkast med bedrifta.

Valgfaget Internasjonalt samarbeid vil fokusere på å utvide interkulturell kompetanse. Her vil du få jobbe med forståing for sosioøkonomiske skilnadar, samlande verdiar og kommunikasjon på tvers av landegrenser. I tillegg vil innsikt i korleis internasjonale organisasjonar arbeider med både bistand og diplomati stå sentralt. Ein del av dette faget kan verte deltaking i et Erasmus + prosjekt. 

Det betyr at dersom det er mogeleg vil vi legge opp til ein utanlandstur, og ein periode med vertskap for besøkande i løpet av en periode på to år i faget. Det er difor viktig at du kan følgje reglar og er pliktoppfyllande. Du må like å samarbeide, by på deg sjølv og presentere det du lærer for resten av klassen. Dersom du er hardtarbeidande, interessert i andre kulturar, ynskjer å arbeide for å forstå korleis vi betre kan samarbeide for å nå felles mål, samt er villig til å forplikte deg til det samme faget minst to år på rad er dette riktig valgfag for deg.

Har du interesse for å utvikle ei bedrift? Då kan dette vere rette valfaget for deg. Målet med bibliotekutvikling er å skape eit skulebibliotek som er tilpassa elevane sine ønskjer og interesser. Du vil få moglegheita til å undersøkje kva behova blant dine medelevar er, og prøve å skape ein stad som fleire har lyst til å vere og oppsøke, i tråd med kva eit skulebibliotek skal innehalde. Du må vere glad i å samarbeide, like kreativt arbeid, og kunne presentere produkta og tenester du utviklar for andre. Å vere glad i å lese bøker er ikkje eit “must”, men du tenkjer kanskje at du kan bli det?

Er du interessert i å lage film? 

Likar du å ta bilete? Kunne du ha 

lyst å skrive artiklar til dømes til nettavis? Då kan dette vere valfaget som passar for deg!

Likar du å stå på ei scene? Kunne du tenkje deg å vere ein del av ein scenisk produksjon? Likar du å synge, danse eller bevege deg til musikk? Kunne du tenkt deg å jobbe i kulissane? Vil du prøve deg på å styre lys og lyd? Då kan det vere akkurat deg vi treng i dette valfaget! I Produksjon for scene vil du få erfaring med dei ulike delane i ein scenisk produksjon, frå planlegging til ferdig produkt. 

I levande kulturarv kjem vi til å ha fokus på det å dyrke/sanke eigen mat og på å tilberede maten sjølv. Du bør like å prøve nye smakar, enn om vi jobbar med gamle teknikkar. Om du er  nyfiken på kor maten kjem frå og har lyst å prøve steikegrop i bakken og lage eigen ost er dette valfaget for deg. Vi skal mellom anna fermentere, hauste, sylte, dyrke, bake. Du må rekne med at du må vere utover vanleg skuletid nokre gongar. Dette vert i så fall avspasert i andre valfagstimer.

Passar for deg som liker å hjelpe andre. Du lærer om korleis du kan samhandle med ulike tenester med fokusområda frivilligheit, sosialt entreprenørskap og ansvarligheit. Vi er i eit samarbeid med Straume bu og servicesenter om innsats for eldre der det kan vere oppgåver knytt til det sosiale frivillighetsfokuset, til dømes som å vere kafè-venn og tur-kamerat. Tidlegare her på Fjell har elevane hatt praksis i barnehage/SFO/eldresenter/vaksenopplæringa. Nokon bakte og selde kaker til inntekt for gode føremål. Her er det rom for å kome med eigne idear der målet er å gjere ein innsats for andre.

Likar du praktisk, kreativt arbeid kan dette vere faget for deg. Vi vil forsøke å kombinere læring og demokrati i lag med praktiske fag. Ved å lage kunstinstallasjonar som betyr noko eller som seier noko om samfunnet vårt, kan vi kanskje til og med vere med å påverke.  Døme på arbeidsmåtar kan vere film, foto, Street Art mm. Det kan vere at vi lagar skulpturar, som dei på bileta. Du er med på å skape innhaldet. Vi ser for oss ekskursjonar (utflukter til byen og Fjell festning) der vi får inspirasjon ved å sjå på arbeid av andre engasjerte kunstnarar. Målet er å presentere arbeidet vårt med ei eiga utstilling utanfor skulen.