Skulereglar for Foldnes skule

Alle skular skal ha eit skulereglar. Opplæringslova §§ 10-7 og 10-6.

«Kommunen og fylkeskommunen gir forskrift om organisering av skoledemokrati og om rettar og plikter for elevane, mellom anna orden og oppførsel (skolereglar). Kommunen og fylkeskommunen kan i slike skolereglar angi kva tiltak som kan brukast når elevane bryt skolereglane, og korleis slike saker skal behandlast» (Opplæringslova § 10-7). «Eleven skal vere aktivt med i opplæriga og følgje skolereglane (…). (Opplæringslova § 10- 6).

  1. Alle elevar har rett til eit godt fysisk og psykososialt miljø som fremjar helse, trivsel og læring. Opplæringslova § 12-2.
  2. Alle elevar har rett til eit mobbefritt miljø der alle har medansvar for at ikkje nokon opplever krenkande og ulovleg åtferd frå andre. Opplæringslova § 12-3.
  3. Alle elevar har rett til å bli høyrde i saker som vedkjem dei. Opplæringslova §10-2.
  4. Alle elevar skal vise omsyn og respekt for andre, bidra til arbeidsro i timane og syne respekt for undervisninga.
  5. Alle elevar møter punktleg og førebudd til timane.
  6. Elevar skal ikkje ha med eller bruke farleg reiskap på skulen.
  7. Det er forbode å ha med eller bruke rusmiddel på skuleområdet. Dette gjeld også arrangement utanom skuletida.
  8. Elevar skal ikkje bruke mobiltelefon eller anna privat, elektronisk utstyr i skuletida – dette skal vere avslått og liggje i sekken.
    LOKALE TILLEGG FOR FOLDNES SKULE:
  9. Elevane skal til vanleg vere ute i friminutta. Ingen må gå utanom skuleområdet utan at tilsynsvakt eller andre vaksne på skulen har gitt lov.
  10. Ingen skal sykle, skate eller liknande på skuleplassen mellom kl.07.00 og 16.30.
  11. Elevane skal ikkje ete snop på skulen. Det kan gjerast unnatak ved særskilte høve eller etter avtale med lærar. 
     

SANKSJONAR VED BROT PÅ ORDENSREGLANE:

  • Samtale, munnleg eller skriftleg åtvaring frå lærar/inspektør/rektor
  • Melding til dei føresette, møte med dei føresette
  • Bortvising i inntil 3 dagar (gjeld ungdomssteget). Elevar på årstrinna 1 – 7 kan visast bort frå undervisninga for enkelttimar eller for resten av dagen. Foreldra til elevar på barnetrinnet skal informerast før det blir sett i verk bortvising for resten av dagen. Opplæringslova §13-1.
  • Gjensitting eller parade
  • Skifte av gruppe, klasse, skule. Ved byte av skule gjeld Opplæringslova § 13-2.
  • Nedsett karakter i orden og åtferd.
  • Inndraging av mobiltelefon eller anna privat, elektronisk utstyr – vert levert tilbake ved slutten av skuletida same dag.
  • Skadeverk medfører at eleven må rydde opp /utbetre skaden og dei føresette er erstatningsansvarleg for inntil kr. 5000 (Skadeerstatningslova §1.2).
  • Inndraging av ulovlege eller farlege gjenstandar og evt. levering av desse til politiet.
  • Ved lovbrot vil rektor vurdera å melda saka til politiet (jf. kommunal prosedyre).

 

PRESISERINGAR:

Krenkande og ulovleg åtferd er til dømes:

-       fotografering av medelevar og leggje bileta på nettet, negativ omtale på nettside

-       negative sms , mms, chat, epost, ryktespreiing

-       rasistiske utsegn og handlingar

-       seksuell trakassering

-       sjikane på grunn av religion, legning eller livssyn

-       hærverk

-       valdsbruk

-       mobbing

-       trugsmål

 

Farleg reiskap er til døme: Gjenstandar som kan brukast til å skade andre t.d. knivar, stikkereiskap, våpen av ulike slag

Rusmiddel: nulltoleranse for tobakk og andre rusmiddel

Revidert i SU 2023.
Oppdatert i høve nye lovheimlar august 2024. 

Sist endra 08.10.2024 10.41