Naturen som pedagogisk arena

Hos oss nyttar vi naturen som pedagogisk arena, vi har fokus på bærekraft og er miljøsertifisert gjennom Grønt flagg. Forskning fortel at naturen stressar ned, aukar kreativiteta, gjer meir sjølvstendige barn og aukar meistringsopplevingane. I tillegg har vi erfart at barna sin leik vert meir kreativ i naturen, dei leikar meir på tvers av kjønn og det er mindre konfliktar mellom barna. Vi ønskjer at barna skal få gode opplevingar ute i naturen og verte glad i den slik at barna får verdiar, haldningar og praksis for eit meir bærekraftig samfunn. Vi har og ei eiga friluftsgruppe, Humlehagen.

Klokkarvik barnehage ligg sentralt til ved Sund Kyrkje på Klokkarvik.
Barnehagen har eit stort og flott uteområde med gode leikeapparater, naturmaterialar, kjøkkenhage og ein spennande skog der barna kan utfolde seg motorisk. Kjøkkenhagen gjer oss moglegheit til å kjenne gleda av å dyrka noko av maten vår sjølv, og er ei arena for sanseopplevingar, samarbeid og vennskap. Vi har tilgang til lavvo, gapahuk og naturleikeplass i gåavstand frå barnehagen. Vi er ofte på tur, der vi saman med barna utforsker og undrar oss i takt med naturen og årstidene.

Kvifor velgje Klokkarvik barnehage?

Vi veit at trygleik og omsorg er grunnlag for all læring og utvikling, og det er viktig for oss at barna trivs i barnehagen, har vener og eit godt leikemiljø. Vaksenrollen i barnehagen har stor betydning for trivsla til barnet, og alle barn skal bli sett, forstått og respektert. For å sikre oss dette bruker vi verktøy som cos sirkelen, leikegrupper og barnesamtalar. Klokkarvik barnehage har engasjerte og motiverte vaksne som er opptatt av å sjå kvart enkelt barn, ivareta barnas lærelyst og skape gode miljøer med rom for undring.

Flott turområde

Vi er så heldige at vi har fantastiske turområder i nærleiken til barnehagen. 

Språkkommune

Øygarden kommune er ein språkkommune, og vi veit at god språkutvikling er avgjerande for den sosiale, emosjonelle og kognitive utviklinga. Tryggleik sosiale relasjonar og leik danner grunnlaget for eit godt språk i tidleg alder. Språkarbeid er implementert i vårt pedagogiske arbeid og vi er opptatt av tidleg innsats. 

Du er hjertelig velkommen til å søke barnehageplass i Klokkarvik barnehage.

Fotogalleri