Den daglege kontakten er særs viktig. Alle foreldre blir tilbydt to foreldresamtalar i året, haust og vår, evt. fleire dersom ein ønskjer det. Foreldremøte om hausten og /evt. om våren. Når nye barn startar i barnehagen har vi ein startsamtale.

Vi vil gjerne ha beskjed dersom barnet er sjuk eller har fri frå barnehagen, denne kontakten går gjennom appen Transponder.

Dersom andre skal hente barnet i barnehagen må de seie i frå til dei tilsette.

Dersom de får problemer med å hente barnet før stengetid må ein gje beskjed så snart som mogeleg (f. eks ved ulukker).

Vi legg vekt på eit sunt og næringsrikt kosthald og følger dei nasjonale retningslinjene for måltid i barnehage. Her er det viktig med eit godt barnehage - heim samarbeid slik at frukost og andre matpakker inneheld variert mat og gjerne med frukt og grønt.

• Foreldre/føresette må ta med sjølve matpakke til barnas frukost, vi oppmodar til at denne inneheld sunn mat. 
• Foreldre/føresette betalar inn matpengar som dekker inn varm måltid som blir laga av barnehagens personale mandag og onsdag.

Dei barna som skal sove i barnehagen får moglegheit til det. Vi oppmodar til at barna sover i vogner ute. Når barna sover ute i vogn har vi sovevakter som følger med barna. 

Vi legg vekt på kvilestund for alle barn, uansett alder. Det er godt å kunne legge seg litt nedpå og lytte til roleg musikk, ei bok og bare slappe av.

• Alle barn må vaske nevane når dei kjem i barnehagen
• Vi har rutiner på handvask før kvart måltid, etter toalettbesøk og når ein kjem inn etter uteleik.
• Dersom barnet ditt har noko allergi eller andre ting vi må ta førehandsreglar for, ønskjer vi dokumentasjon frå Helse

Sjuke barn skal ikkje vera i barnehagen, dei har det best heime. Barnet kan vere i barnehagen når det er så opplagt at det orkar å delta i dei vanlege aktivitetane. Barnet si allmentilstand er sentral. Viktig med open dialog med dei tilsette om de skulle vere usikker. Elles er feber og oppkast indikatorar som tilseie at barnet ikkje skal vere i barnehagen.

Dersom barnet treng medisin i etterkant av sjukdom, eller ved andre høve, så kan barnehagen vere behjelpeleg med dette. De må då fylle ut medisinskjema som de får i barnehagen. Gi personalet fullmakt og informasjon ift å gje medisin.

Her finn du informasjon om når barnet må vera heime frå barnehagen

Barnehagen tek mykje bilete av barna, både i barnehagen og på tur.  Vi bruker bileta til å dokumentere kvardagen og som eit minne når barna slutter i barnehagen.

Barnehagen har gode rutinar for godkjenning frå føresette om bruk av bileter og vi er oppteken av at bileter ikkje skal komme på avveie. Føresette kan reservere seg for bruk av bilete, både på facebook, i album og feks i avis.

På nettsida til Datatilsynet finn du meir informasjon om bildebruk av barn

Barnehagane har feriestengd dei to siste vekene i juli. Kommunen tek betaling for 11 månader. Alle barn skal difor avvikle minst 4 veker ferie i løpet av året. Tre av ferievekene må avviklast samanhengande i tida 15. juni til 14. august, og må meldast på førehand til barnehagen innan 1. april. 

Den 4. ferieveka bør avviklast samanhengande og skal meldast til barnehagen to veker på førehand jmf vedtektene

Her finn du oversikt over ferier og fridagar i barnehagen.

Barnehagane følgjer statleg satser for makspris på foreldrebetaling, i tillegg kjem matpenger som dekker lunsj/drikke og fruktmåltid. Sats for matpenger vert satt av kommunestyret. Øygarden kommune har ordningar for redusert foreldrebetaling ved låg inntekt, sjå heimesida til kommunen.

Dersom barnet vert forseint henta i barnehagen vert foresette fakturert ekstra med kr 250 pr. påbegynte halvtime. Dette gjeld ikkje dersom ein er forsinka grunna uforutsette ting, som f.eks ulykke.

Barna må ha to ekstra sett med kleskift (inneklede) i barnehagen. I tillegg skal dei ha uteklede tilpassa den årstida vi er i. Regnklede og støvlar skal alltid vere tilgjengeleg i barnehagen. Barna skal ha innesko / tøflar.