På Lynghaugen har vi fokus på trivsel og tryggleik, i tillegg er humor og glede viktige faktorar i barnehagekvardagen vår. Vi er opptekne av å styrke barns sosiale kompetanse, og vaksne som er støttespelarar i barns relasjonsbygging. Bøker, sang, musikk, regler, forteljingar og eventyr brukast til å styrke barnas sosiale kompetanse og språkutvikling. 

Barns medverknad er grunnleggande i det daglege arbeidet og vi tek utgangspunkt i barnas interesser i kvardagssituasjonar og i planleggingsarbeid. 

Vi ynskjer å fremje rørsleglede og motorisk utvikling i form av fysisk aktivitet og fysisk utfolding. Boltreleik, leik i naturen, nærområdet og barnehagens uteareal brukast kvar dag til å fremje dette. 

Vi arbeidar med faste tema gjennom året . Ein av dei er "fokusbarn"  der barnet blir satt i ekstra fokus i den gitte perioden. Når barnet er i fokus fremjast barnets eigenskapar, interesser og vennskap blir satt i fokus. Med eit tett foreldresamarbeid blir foreldre involvert slik at vi blir betre kjent med barnets kvardag og familieliv.  

Fireåringane får være med i språkgruppe som er meint å styrke barnas språkutvikling i mindre grupper. Der får barna saman med dei vaksne ei tryggleik til å vere med å bruke språket via rim og regler, lytteøvingar, høgtlesing, teikning og samtalar. Samt bruk av anna språkmateriale og konkretar som er med å stimulere språkutviklinga.