Ergoterapi for barn og unge

Barn og unge som har vanskar med å utføre daglege gjeremål kan få undersøking og vurdering av barneergoterapeut i kommunen. Vi treffer barnet i våre lokale på Rong, Skogsskiftet eller Straume terapisenter. Vi gjer og vurderingar på helsestasjonane, i barnehagane, skulane og på heimebesøk.

Kven kan få tilbodet?

Barn og unge under 18 år som har ulike utfordringar med å utføre aktivitetar kan få hjelp. Årsak til aktivitetsvanskar kan vera sjukdom, skade eller lyte som er medfødt eller ervervet.

Døme på årsakar til behov kan vera:

Kognitive vanskar
Bevegelsesvanskar
Sansetap
Psykiske eller psykososiale vanskar
Akutt sjukdom.

Ergoterapi tar utgangspunkt i den det gjeld sine ønskjer og behov. Ergoterapeuten kan bidra i rådgjeving og tilrettelegging for deltaking, aktivitet og leik. Målet er at barnet eller ungdommen skal kunne delta i kvardagslivet på eigne premiss.

Mange av barna vi møter har samansette vanskar med behov for tverrfagleg oppfølging. Ergoterapeutene samarbeider med fysioterapeutene og PP teneste om vurdering, formidling og tilpassing av nødvendige hjelpemiddel.

Prioriteringsnøkkel - Ergoterapi og fysioterapi for barn og unge

Prioriteringsnøkkel - Ergoterapi og fysioterapi for barn og unge
Prioritet	Maksimal ventetid
1 \| Rask intervensjon vurderast å ha særleg stor betydning for at brukaren kan oppretthalde primærfunksjon og lindring.	Snarast mogleg, innan 14 dagar
2 \| Tidleg intervensjon vurderast å ha stor betydning for at brukaren kan gjenvinna, oppretthalde eller utvikle/betre funksjons- og mestringsevne.	Ein månad
3 \| Intervensjon forventast å ha betydning for at brukaren kan oppretthalde eller utvikle/betre funksjons- og mestringsevne.	To månader
4 \| Intervensjon forventast å ha betydning for brukarens funksjons- og mestringsevne. Det vurderast som fagleg forsvarleg at intervensjonen planleggjast fram i tid.	Fire månader

1. Prioritet

Rask intervensjon vert vurdert til å ha særleg stor betyding for brukaren sitt funksjonsnivå, livskvalitet og lindring.

Problemstilling

Baby under 12 mnd.
Tryggleik i bil, heim og omgjevnader
Akutte overføringsfasar
Brått funksjonstap og/eller akutte behov
Kort forventa levetid

Ventetid: Så raskt som mogleg, seinast innan 2 veker.

2. Prioritet

Tidleg intervensjon vert vurdert til å ha stor betyding for at brukaren skal gjenvinne, utvikla eller oppretthalde funksjonsnivå og hindra vidare funksjonstap.

Problemstilling

Smerteproblematikk
Oppfølging etter planlagde operasjonar
Barn i barnehagealder med fotproblematikk
Overføringsfaser der tiltak må påbegynnes raskt
Barn/unge med lungeproblemer, aktiv fase.
Barn/unge med akutt forverring i psykisk helse, livskvalitet og funksjonsevne
Barn/unge med progredierende lidelser, aktiv fase
Barn/unge med reumatiske og ortopediske lidelser, aktiv fase
Barn/unge med nyoppdagede nevrologiske eller genetiske lidelser
Barn/unge med akutt hjelpemiddelbehov, eller behov for tilrettelegging av omgivelsene.
Nyopererte barn/unge
Intensiv behandling, f.eks oppfølging etter Botoxinjeksjon eller operasjoner

Ventetid: Innan ein månad

3. prioritet

Intervensjon forventast å ha betydning for at brukaren kan oppretthalde eller utvikle/betre funksjons- og meistringsevne.

Problemstilling

Behov for spesialbil
Tilrettelegging av bustad
Tilrettelegging i barnehage og skule
Begynnende funksjonstap
Barn/unge med langvarige psykosomatiske plager
Førskulebarn med sein motorisk utvikling
Førskolebarn med samansatte vanskar

Ventetid: Innan to månader

4. prioritet

Intervensjon forventast å ha betydning for brukarens funksjons- og mestringsevne. Det vurderast som fagleg forsvarleg at intervensjonen planleggjast fram i tid.

Problemstilling

Tilrettelegging av skulemiljø
Overvekt/fedme
Barn i barneskulealder med forsinka motorisk utvikling
Barn/ungemed lungeproblem i kronisk fase
Barn/unge med progredierande sjukdom
Barn/unge med revmatisk og ortopedisk sjukdom
Oppstart av individuell plan
Deltagelsesutfordringar
Slitasje på pårørande og tenesteutøvere
Skulebarn med fotproblematikk

Ventetid: Innan fire månader

Kva kan du få hjelp til?

Kartlegging av funksjon og ressursar
Trening i aktiviteter i dagliglivet (ADL)
Tilpassing og tilrettelegging av aktivitetar
Rådgjeving og tilrettelegging av omgjevnader, som bustad, barnehage og skule
Vurdering og trening av handmotorikk.
Rådgjeving/rettleiing til samarbeidspartnarar og pårørande
Formidling av tekniske hjelpemiddel for dagliglivet

Slik søkjer du

Ergoterapi er eit lågterskeltilbod. Dette inneber at du ikkje treng tilvising frå lege, men kan søkje sjølv.

Søk om ergoterapi (DOCX, 139 kB)

Send skjema til:
Øygarden kommune - Helse, meistring og rehabilitering
Ternholmvegen 2
5337 Rong

Pris

Ergoterapi er gratis.

Kva skjer vidare?

Du får enten ein telefon for å avtala time eller ei innkalling i posten om når ergoterapeuten har ledig tid til deg.

Sist endra 01.07.2024 12.32