Skulen innvilgar ikkje permisjon for meir enn inntil ti skuledagar kvart skuleår. Eleven får ikkje samanhengande permisjon i meir enn to veker.

Helgedagar utanom Den norske kyrkja

Barn som høyrer til eit trussamfunn utanom Den norske kyrkja, har rett til permisjon på helgedagane til trussamfunnet. Foreldra må syta for nødvendig undervisning i permisjonstida, slik at eleven kan følgja med i den vanlege undervisninga når ho eller han er tilbake.

Må vurdera om det er forsvarleg

Skulen må ta stilling til om det er forsvarleg å gje eleven permisjon. Viktige moment når skulen vurderer dette, er læringsresultata til eleven, undervisningsopplegg til skulen i permisjonstida og permisjonshistorikken til eleven.

Skulen gjev berre unntaksvis permisjon i periodar der det vert gjennomført:

• Statlege kartleggingsprøvar
• Nasjonale prøvar
• Heildagsprøvar på ungdomstrinnet
• Eksamenar

Siste halvår på 10. trinn vert rekna som ekstra viktig, då elevane skal ha sluttvurdering i denne terminen. Det betyr at det normalt ikkje er forsvarleg å gje permisjon over fleire i dagar dette halvåret.

Ferie og treningssamlingar

Skulane gjev også berre unntaksvis permisjon til ferie og treningssamlingar. Det same gjeld dersom søknaden kjem før terminplan er klar for den aktuelle perioden.

Skulen kan gje elever permisjon til deltaking på møte i ungdommens kommunestyre. Det same gjeld når ein elev er teken ut til å delta i ein konkurranse eller på eit stemne på regionalt, nasjonalt eller internasjonalt nivå.

Rektor på den enkelte skule har fullmakt til å innvilga permisjonssøknader. Føresette søkjer via Vigilo foreldreportal.

Saksbehandlingstid

Skulen har plikt til å behandla saka så snart som mogleg. Du skal ha skriftleg beskjed med grunngjeving, dersom skulen ikkje kan avgjera saka innan eín månad. Då skal skulen også opplysa om kva tid det er venta at det vert gjort vedtak i saka.

Klage

Du kan klaga på eit eventuelt avslag innan ein frist på tre veker frå du mottok vedtaket. Klagen sender du til skulen. I klagen skal du forklara kva du er misnøgd med, og kvifor du meiner at skulen bør endra vedtaket. Både skulen og kommunalsjef for Oppvekst kan rettleia deg. Dersom skulen står fast på avgjerda, vert saka sendt vidare til kommunalsjef for Oppvekst. Om kommunalsjef for Oppvekst er samd i vedtaket til skulen, vert saka sendt til Statsforvaltaren i Vestland. Der vert det fatta endeleg vedtak i saka.

Lovar

• Forvaltningsloven

Retningslinjer

• Barn som ikkje møtar på skulen. Rettleiar for skular og skuleeigarar. Udir

Øygarden kommune har som mål at informasjonssikkerhet og personvern skal vera ein naturleg del av vår verksemd. Les meir om korleis kommunen handterar personopplysningar.