Trygt og godt barnehage- og skulemiljø

Mobbing og krenking er årsak til at barn og unge kan kjenne at barnehage- og skulemiljøet ikkje er trygt og godt. Dette kan føre til at hen vegrar seg for å komme i barnehagen eller på skulen. For skuleelevar kan ei slik vegring til slutt føre til at dei ikkje kjem på skulen i kortare eller lengre periodar.

Overgang frå heim til barnehage/skule, faglege vanskar eller at hen ikkje har det bra heime, kan og vere årsaker til vegring eller fråvær frå barnehage eller skule.

Om du som føresette er uroleg for at ditt barn eller ungdom ikkje har det trygt og godt i barnehagen eller på skulen, og at dette i tillegg viser seg i vegring eller faktisk fråvær frå barnehage eller skulen, så ta kontakt med barnehagen eller skulen så raskt det lar seg gjere. Å forsøke å forstå dette saman på eit tidleg tidspunkt, gjer det lettare å komme i posisjon for å hjelpe.

TRYGG I FELLESSKAP er Øygarden kommune sitt førebyggande og avdekkande arbeid mot mobbing og krenking. Målsetjinga til TRYGG I FELLESSKAP er å førebyggja og å redusere omfanget av mobbing og å hjelpe til slik at alle barn og unge har det trygt og godt i Øygarden kommune. Det er viktig å sikre at mobbing vert avdekt og handtert godt av alle som er i relasjon til barn og unge.

Å kjenne barnehagemiljøet trygt og godt er ein rett alle barn i Øygarden kommune har. I Barnehagelova §41 står dette: «Barnehagen skal forebygge tilfeller hvor barn ikke har et trygt og godt barnehagemiljø ved å arbeide kontinuerlig for å fremme helsen, trivselen, leken og læringen til barna».

Å kjenne skulemiljøet trygt og godt, er ein rett som alle elevar i Øygarden kommune har.
I Opplæringslova §12.2 står dette: «Alle elevar har rett til eit trygt og godt skolemiljø som fremjar helse, inkludering, trivsel og læring».

Kontaktinformasjon for føresette og elevar

Dersom tiltak i barnehagen eller på skulen- og tiltak mellom barnehage eller skule - og heim ikkje er nok, kan føresette og elevar ta direkte kontakt med:

Pedagogisk psykologisk ressurssenter

E-post: trygt.godt@oygarden.kommune.no
(NB! ikkje bruk e-post til sensitive opplysningar, bruk berre e-post til å opprette kontakt, så tar vi kontakt via telefon for meir informasjon om saka)

Telefon:

Barnehage | Marianne C Gjerstad: 932 96 27
Skule | Ranveig Bungum: 911 99 384

Familie- og rettleiingssenteret

Telefon: 905 67 445

Kontaktinformasjon for barnehage og skule

Barnehage og skule kan ta kontakt med Pedagogisk psykologisk ressurssenter (PPR) sin kontaktperson drøfting og vurdering om vidare rettleiing/hjelp. Ved behov for meir rettleiing/hjelp/kompetanseheving, nytt skjema:

Nyttige lenkjer

Sist endra 09.01.2025 11.29