Ein viktig føresetnad er at ein har god tru på eigen idé. Spørsmål å stille seg sjølv:

1. Løyser idéen eit problem eller dekker den eit behov?
2. Har kundane lyst til å kjøpe idéen (varen/tenesta)?
3. Kan idéen bli til ei verksemd?
4. Kan idéen gjennomførast?

Ein kan søkje i Patentstyret sin teneste etter varemerke, design eller patent. Her finn ein ut om andre har søkt eller fått innvilga rett i Norge til noko som liknar på din idé.

Patentstyret gir rettigheter til patent, varemerke og design i Norge.

Forretningsidé

Forretningsidéen skal kort og konkret svare på kvifor kundane skal velje ditt produkt (vare eller teneste) framfor andre produkt (varer eller tenester.)

Beskriv:

• Kva du skal selje?
• Kva slags behov du skal dekka?
• Kven du skal selje til?

Formuler idéen so enkelt og tydeleg som du klarar.

Lag ein forretningsplan

Forretningsplanen bør minimum innehalde:

• Forside og innhaldsliste
• Samandrag
• Forretningsidé
• Mål og visjon
• Organisering av verksemda
• Marknad og marknadsplan
• Økonomi m/ kapitalbehov, budsjett og nøkkeltall
• Framdriftsplan
• Verksemda si utvikling og utsikter til lønnsemd på lang sikt

Du finn god mal for forretningsplan på nettsida til Innovasjon Norge.

Skal du ta patent?

• Ta kontakt med Patentstyret og få rettleiing.
  Patentstyret gir rettigheter til patent, varemerke og design i Norge
• Besøk nettsida Hva er immaterielle verdier og rettigheter? - Patentstyret eller Hvorfor og hvordan unngå piratkopier og ulovlig strømming for informasjon.
• Benytt fortrolighetserklæring (IPRhjelp.no)

Formuler felles visjon og sett mål for verksemda.

Tenk over kva som er hensikta med verksemda og kva du skal gje kundane dine.

Visjonen er det ein strekker seg etter, medan målet er kva du vil oppnå med verksemda. Sett gjerne hårete mål! Gjennomfør jamlege møter for å gå gjennom mål og diskuter om de er på rett spor.

Når du har bestemt deg for namn på føretaket, er det viktig at du held korta tett til bryste til du har registrert det domenenamnet du vil ha. Då unngår du at andre tek det. Dersom du ikkje har eit organisasjonsnummer, kan du registrere domenenamnet på deg sjølv som privatperson og overføre det til verksemda når du har registrert den.

• Sjekke om namnet er ledig: www.navnesok.no
• Informasjon om korleis du registrerer domenenamn finn du i domeneguiden.
• Her finn du også meir informasjon om val av domenenamn og kva du kan bruke eit domenenamn til.
• Registrere domenenamn  Norid – Driver registeret for norske domenenavn
• Ønsker du å beskytte domenenamnet ditt, kan du vurdere å registrere det som eit varemerke. https://www.patentstyret.no/tjenester/varemerke/soknadsprosess-varemerke/
• Registrer verksemda i Brønnøysundregisteret Hva ønsker du å registrere eller endre? - Brønnøysundregistrene

Det er viktig å gjere ein innsats for å etablere rutinar og ansvarsfordeling internt. Fordel rollene i verksemda, styremedlemmer og styreleiar.

• Legg ein strategi
• Pass på at verksemda utviklar seg i ønska retning og ta slutning deretter

Finn formålet med organisasjonen

• Lag forslag til vedtekter
• Finn personar som vil sitje i styret og som vil vere styremedlemmar
• Lag ein plan over kva organisasjonen skal gjere den første perioda (aktivitetsplan)
• Finn ein stad du kan arrangere stiftingsmøtet og set ein dato
• Sprei informasjon om stiftingsmøtet

Forbered deg!

Korleis finansiere oppstart?

Som nemnt øvst på sida, anbefale vi nettsida til altinn.no kor du finn informasjon om å starte og drive bedrift.

Innovasjon Norge har ein ny portal kor ein kan registrera seg og få vidare hjelp. Portalen heiter: En vei inn Her legg du inn informasjon om kva du ønsker å starte, og vil få rådgjeving vidare.

Du bør spesifisere kor mykje av finansieringa som vil vere eigen kapital, og kor mykje må du låne.

Skal du i banken, ta med deg forretningsplanen din og presenter den godt. Ta gjerne med deg styreledar om du har den på plass . Jo fleire som kan selje ideen, jo betre. 

Dagpengar under etablering

Dersom du skal søka dagpengar hos NAV under etableringa, må du ha ein bedriftsfagleg vurdering. Dette tilbyr kommunen hjå Innbyggjartorget - sjå lenke under. Sjå NAV sine sider for informasjon om søknad om dagpengar: NAV

Innbyggjartorget Øygarden kommune

Er du gründer i Øygarden kommune og har eit ønske om å ta del i eit gründermiljø, danne nye nettverk og ha kontor i ein avdeling med andre i liknande situasjon?

Verksemdene i Gründerparken har, eller går gjennom etableringsfasen av eiga verksemd. Gründerparken Vest er ein møteplass for gründerar som vil gje kvarandre tips og innspel i ein viktig fase.

Gründerparken Vest | Vest Næringsråd