Reglementet for ungdomsrådeti Øygarden kommune er fastsett 22. februar 2024.

1. Val og samansetning 

Kommunestyret avgjer val og samansetning av rådet. Organisasjonar som representerer ungdom har rett til å fremje forslag om medlemmar. 

Verkeperioden er to år og fell saman med halve kommunestyreperioden. 

Rådet skal vere sett saman av 11 medlemmar, samt varamedlemmar. 

Rådet vel sjølv sin leiar og nestleiar blant medlemmane. 

Medlemmane kan ikkje ha fylt 19 år år på valtidspunktet. 

Kvart kjønn skal vere representert med minst 40%, så langt det lar seg gjere. 

Kommunestyret skal velje ein politisk kontaktperson for rådet blant sine medlemmar. Vedkommande har møte-, tale- og forslagsrett i rådsmøta, og skal fungere som bindeledd mellom ungdomsrådet og øvrig politisk verksemd.

2. Verkeområde 

Rådet er eit rådgjevande organ for kommunen. 

Medlemmane skal representere interessene til unge i kommunen, og ikkje andre grupperingar dei ev. er medlem av. 

Rådet har rett til å uttale seg i saker som vedkjem unge i kommunen, men ikkje saker som vedkjem einskildmenneske. Rådet har også rett til å ta opp slike saker på eige intiativ. 

Rådet har rett til å uttale seg før kommunestyret set ned eit sekretariat, fastset saksbehandlingsreglar, og vedtek budsjett for rådet. 

Rådet skal få forelagt sakene på eit tidspunkt som sikrar at uttalane har reell muligheit til å påverke utfallet av sakene. Uttalane skal følgje vidare saksgang, som hovudregel før behandling i andre organ, og som eit minimum til det organet som gjer endeleg vedtak i saka. I relevante saker kan administrasjonen dessutan hente inn innspel frå rådet før ordinær politisk behandling. 

Rådet kan ta del i anna medverknadsarbeid i regi av kommunen, innanfor saker som vedkjem unge. Dette kan eksempelvis vere arbeidsverkstadar og medverknadsarrangement retta mot innbyggjarane. 

Rådet kan sende eigne pressemeldingar, brev, uttalar og høyringssvar. 

Rådet har forvaltningsansvar for støtteordninga kalla ungdomsmidlar, og kan tildelast ytterlegare forvaltningsansvar for budsjettpostar som gjeld unge. 

Rådet har slik møte- og talerett i politiske organ i kommunen: Ein representant for rådet kan få ordet når det skal gjerast endeleg vedtak i saker som ungdomsrådet har uttalt seg om. Møteleiar avgrensar tida. 

Rådet skal årleg legge fram årsmelding for kommunestyret. 

3. Administativ støtte 

Politisk sekretariat syter for sekretariatstenester til rådet. Dette omfattar blant anna klargjering og utsending av sakspapir og møteinnkalling, samt protokollskriving. 

Ein representant for kommunedirektøren er administrativt ansvarleg for møta, og har møte- og talerett i møta. Denne rolla er hovudsakleg lagt til kommunedirektøren sin strategiske rådgjevar. 

Omfanget og innhaldet av den administrative bistanden, inkludert opplæringa, skal gjere rådet kapabelt til å utføre oppgåvene sine på ein god måte. 

4. Saksbehandling 

Ungdomsrådet skal følge kommunelova sine bestemmelsar om saksbehandling i kapittel 11, samt kommunen sitt reglement for folkevalde organ (først vedteke av kommunesyret 29.11.23). 

Opplistinga i dette kapittelet gjer eit oversyn over dei av desse mest relevante reglane for rådet. 

4.1 Møte og innkalling 

All saksbehandling skal gjerast i møte. Rådet kan likevel opprette arbeidsutval blant eigne medlemmar for å greie ut definerte oppgåver. 

Møta er offentlege og opne for almenta, med mindre det er grunnlag for å lukke, jf kommunelova § 11-5. 

Møter vert halde etter oppsett plan, samordna med øvrige politiske møte i kommunen. I ekstraordinære tilfelle kan det kallast inn til ekstraordinært møte, jf kommunelova § 11-2. 

Leiar av rådet sett opp saksliste, med bistand fra sekretariatet. Ei sak skal settast på sakslista dersom minst 1/3 av rådet sine medlemmar krev det. 

Innkallinga vert som hovudregel publisert sju dagar før møtet. 

Innkallingar og protokollar publiserast på Øygarden kommune sine nettsider. Medlemmar og varamedlemmar vert varsla om innkalling på e-post ved publisering. 

4.2 Møteplikt 

Medlemmar i rådet har plikt til å møte, med mindre ein har gyldig forfall. Reglane for gyldig forfall er strenge. 

Medlem og innkalla varamedlem som er forhindra frå å møte må snarast mogleg melde dette til sekretariatet og opplyse om forfallsgrunnen. 

Dersom ein må forlate eit møte, må medlemmen søke møteleiaren om permisjon under møtet. Dette kan gjerast munnleg, men det er krav om gyldig forfall. 

4.3 I møte 

For å vere vedtaksføre må minst halvparten av medlemmane vere møtte og stemme. Vedtak vert som hovudregel gjort med fleirtalet av dei avgjette stemmene, jf kommuneloven § 11-9. 

Møtte medlemmar har plikt til å stemme. 

Forslag skal som hovudregel vere skriftlege og leverast elektronisk gjennom kommunen sitt politikarportalsystem. 

Det er mulig å ta opp saker i møtet, men saker som ikkje er nemnd i innkallinga kan ikkje takast opp til realitetsbehandling dersom møteleiaren eller 1/3 av dei møtande representantane motset seg dette, jf kommunelova § 11-3. Dette gjeld følgjeleg også dersom ein ynskjer å gjere vedtak i referatsaker. 

Faste medlemmar og møtande varamedlemmar kan komme med spørsmål til møteleiar og/eller kommunedirektøren sin representant. Spørsmåla skal sendast inn i møteportalen og må gjelde kommunale tilhøve som vedkjem unge, og vere av interesse for fleire. Spørsmåla bør vere korte og klare. 

Ordførar, eller den kommunestyremedlemmen ordførar peikar ut, har møte-, tale- og forslagsrett i rådsmøta, jf kommunelova § 6-1 tredje ledd. 

4.4 Teieplikt og habilitet 

Rådet er omfatta av kommunelova og forvaltningslova sine regler om teieplikt og ugildskap. Dersom ein medlem meiner han kan vere ugild i ei sak, pliktar han å melde dette skriftleg på e-post til politisk service i god tid før møtet. 

5. Øvrige rettar og pliktar 

Rådet er i kommunelova § 5-2 definert som «annet kommunalt organ» og skal følgje dei same bestemmelsane som for folkevalde organ etter § 5-1. 

Rådet er omfatta av kapittel 8 i kommunelova, og har rett til fri frå arbeid, arbeidsgodtgjersle, og ev. økonomisk kompensasjon. Rådet er i så måte inkludert i kommunen sitt reglement for godtgjersle, og administrasjonen tek seg av føring av godtgjersle for rådet. 

6. Heimel 

Reglementet for Øygarden ungdområd er fastsett 22. februar 2024 av Øygarden kommunestyre med heimel i i kommunelova §§ 5-13, 5-2 og 5-12 og forskrift om medvirkningsordninger, samt rettleiaren for ungdomsråd utarbeida av Kommunal- og moderniseringsdepartementet.