Om skulen
Like sør for Skogsskiftet, langs fylkesveg 198, og like bak Sotra vidaregåande skule avd. Sund, ligg Skogsvåg skule. Der ligg den, fint mellom bakkar og berg, og like ved Sundhallen og Skogsvåg stadion. Frå skulen er det kort veg til toppen Storaskjenet og til sjøen i Kvalvågen.
Skulebygget vårt, den eldste delen, er oppført i 1997. Hausten 2015 vart Skogsvåg og Pollen skule slått saman, og samstundes fekk Skogsvåg skule eit stort påbygg. Elevtalet auka frå ca 100 til 200, og vi vart fulldelt. Hausten 2018 opna skulen dørene for elevane frå naboskulen i Fjell kommune, Tellnes skule. Vi fekk no ca 300 elevar på skulen.
Skulekrinsen i dag er nord til Tellneskrysset, sørvest til Tveita og søraust til Dommedal.
Skulen har rike tradisjonar og historikk knytt til song og musikk, til kystkultur og til det som rører seg i lokalmiljøet.
Skogsvåg skule er med i UNESCO sitt skulenettverk som arbeider for: Globalt medborgerskap og ein kultur for fred og ikkje-vald, bærekraftig utvikling og ein bærekraftig livsstil, samt interkulturell læring og verdsetting av kulturelt mangfold og kulturarv.
Visjon
Hand i hand løfter vi kvarandre fram
Bilete av nybygget frå 2015
Bileta har vi fått låne av arkitekten, Holon.
Samarbeid heim - skule
Skulane ønskjer å ha eit nært og godt samarbeid med heimen. Vi ønskjer at heimen veit kva som kan forventast av skulen, og skulen er tydeleg på kva som blir forventa av heimen. Slik kan vi jobbe saman for eit godt læringsmiljø for elevane.
Dette kan du forvente av skulen
- Skulen gjev undervisning i samsvar med gjeldande lovverk og læreplanar.
- Skulen har fått informasjon om eleven sin faglege ståstad frå barnehagen, og legg den til grunn for opplæringa.
- Skulen legg til rette for at elevane skal få utvikle evnene sine, individuelt og i samarbeid med andre.
- Skulen skal stimulere til lærelyst, nysgjerrigheit og evne til kritisk tenking.
- Dei vaksne ved skulen skal vere tydelege rollemodellar og gode førebilete.
Skulen forventar at du som føresett
- Følgjer opp skulearbeidet, og hjelper barnet til god arbeidsinnsats.
- Tek kontakt med skulen viss du meiner at opplæringa ikkje oppfyller dine krav og/eller forventningar.
- Sørgjer for at eleven møter på skulen, kjem presis, er utkvilt, har ete frukost og har med seg matpakke.
- Passar på at eleven følgjer klassa og skulen sine reglar, og viser respekt for alle på skulen.
Dette kan du forvente av skulen
- Alle elevar skal kjenne seg velkomne og trygge på skulen.
- Skulen har jamleg dialog med heimen.
- Skulen er alltid open for samarbeid om eleven sin trivsel, og set i verk tiltak ved behov.
- Skulen har nulltoleranse for mobbing, vold og rasisme, og følgjer opp viss det førekjem krenkingar.
- Skulen arbeider systematisk for å skape eit godt skule- og klassemiljø.
- Dei vaksne kjenner elevane og tek kontakt med heimen om det skjer noko spesielt.
- Skulen har respekt for heimen sin eigenart.
Skulen forventar at du som føresett
- Bidreg aktivt til å gje barnet ditt positive haldningar til skulen, lærarar, medelevar og deira føresette.
- Kontaktar skulen viss barnet ditt ikkje trivst.
- Deltek aktivt i sosiale arrangement.
- Samarbeider med andre føresette om elevane sin trivsel og tryggleik.
Dette kan du forvente av skulen
- Skulen har gode informasjons- og kommunikasjonsrutinar.
- Du blir innkalla til minimum to foreldremøter og utviklingssamtalar årleg.
- Skulen er interessert i dine synspunkt, er løysningsorientert og gjev deg svar på det du spør om.
- Føresette har høve til å påverke gjennom FAU, SMU.
Skulen forventar at du som føresett
- Samarbeider med skulen for å sikre god kommunikasjon og god informasjonsflyt.
- Deltek på foreldremøter, utviklingssamtaler og andre møter, og gjev beskjed i god tid om du ikkje kan møte til avtalt tid.
- Informerer skulen om hendingar som kan påverke eleven og skulekvardagen.
- Viser respekt for elevar, tilsette og leiinga på skulen og andre føresette, spesielt når det gjeld å ta kontakt og dele informasjon med andre.