For deg som er barn eller ungdom
Når ting blir vanskeleg, kan det verka som om heile verda er i mot deg, og at du er den einaste som har det sånn. Det kan vera mange ting som er vanskelege å handtera åleine. I Øygarden kommune er det mange vaksne som arbeider med barn og ungdom som du kan ta kontakt med om noko er vanskeleg.
Kven du kan snakka med i Øygarden kommune?
- Snakk med ein vaksenperson du stolar på. Det kan vera ein lærar eller andre vaksne på skulen, trenaren i idrettslaget ditt, ein vaksen i korpset, eller foreldre til ein god venn.
- Helsesjukepleiar på skulane har faste dagar på skulen.
- Helsestasjon for ungdom (HFU)
- Barnevernet har vakttelefon
Sjølv om den du snakkar med kanskje ikkje er den som kan hjelpe deg best, kan han/ho hjelpa deg til å koma i kontakt med rett person. Gå til den du synest det er lettast å snakka med.
Kven andre du kan snakke med?
- Alarmtelefonen tlf. 116 111 Gratis naudtelefon for barn og vaksne
- Mentalhelse.no tlf. 116 123 Telefon- og netteneste for alle som treng nokon å snakka eller skriva med.
- Sidetmedord.no Døgnopen teneste
- Kors på halsen På Kors på halsen kan du prata med, eller skriva til, vaksne som er frivillege i Røde Kors. Dei høyrer på det du har å seia og hjelper deg om du vil. Det er heilt anonymt og heilt gratis. Dei svarar på telefon, chat og e-post måndag til fredag mellom klokka 14:00 - 22:00.
- Politiet på telefon 112
Informasjon om ulike tema
Videoklipp
Sist endra 30.11.2022 15.12