Ungdomstenesta er ei tverrfagleg teneste som arbeider for å gje unge som har det vanskeleg tidleg og rett hjelp. Det er eit gratis lavterskel tilbod.
Kven kan få tilbodet?
- Ungdomstenesta er ei tverrfagleg teneste med tilsette frå rus og psykisk helse, barne, ungdom og familietenesta, NAV og barnevern.
- Tenesta arbeider saman for å gje unge som treng det tidleg og rett hjelp.
- Alle kan ta kontakt med Ungdomstenesta.
- Vår målgruppe er barn og unge i alderen 12 – 23 år.
- Vi kan hjelpe unge som kvir seg for eller ikkje klarar å gå på skule.
- Unge som slit med psykiske vanskar, har eit problem knytt til rusmidlar, eller som ønskjer hjelp til å kome i arbeid.
- Uansett kva det måtte vere så kan du som ungdom, føresette eller andre ta kontakt for rettleiing og vurdering av kva Ungdomstenesta kan hjelpe med.
Er du uroa for barnet eller ungdomen din?
Som foreldre så kjem ein gjerne i løpet av livet opp i situasjonar der vi ser eller høyrer noko som får oss til å kjenna ei uro for barnet eller ungdomen vår. Vi skal bry oss og ta tak i denne uroa. Ofte kan ein løyse det saman heime, men nokre gonger treng vi litt hjelp og støtte utanfrå.
Her ser du ei oversikt over kor du kan ta kontakt om du og/eller barnet/ungdommen din ønskjer å snakke med nokon eller du tenkjer de treng hjelp:
- Helsesjukepleiar på skulen
- Fastlegen, som også kan tilvise til spesialisthelsetenesta
- Helsestasjon for ungdom ligg på Sartor Storsenter og er ope for drop-in måndag – onsdag frå kl. 13.00 til 17.00
- Om du ønskjer kontakt med førebyggjande politi kan du ringe 56 31 58 00, på kveldstid 02800
- Ungdomstenesta kan kontaktast måndag kl. 09.00 -12.00 på telefon 56 16 15 50
- Barnevernstenesta er ope kvardag mellom kl. 08.00 – 15.30. Dei kan du nå på 56 16 07 00 Ved behov for hjelp utanom opningstider kan du kontakte barnevernsvakta på 979 98 300
- Legevakten er døgnopen på telefon 116 117
Om du er usikker på kven av desse som er rett å ta kontakt til så vil alle her kunne hjelpe deg vidare til rett teneste.
Ved behov for akutt hjelp nytt alltid nødnummer 110, 112 eller 113.
Slik søkjer du
Ungdomstenesta har konsultasjonstid på telefon 56 16 15 50 kvar måndag frå kl. 09.00 – 12.00.
Dersom du ønskjer kontakt med Ungdomstenesta utanom telefontid kan du sende ein e-post til annette.henden@oygarden.kommune.no med kontaktinformasjon.
NB! Ikkje send sensitive personopplysningar på e-post.
For å drøfte ei sak hos Ungdomstenesta må du ha samtykke frå den det gjeld og eventuelt føresette. Du kan vurdere å drøfte saka anonymt.
Prisar
Tenesta er gratis.
Kva skjer videre?
Nye saker vert drøfta anna kvar tysdag (oddetalsveker) på inntaksmøte, vi tek så kontakt igjen til tilvisar eller familie/ungdom.
Lovar og reglar
Sist endra 05.04.2024 14.06