Prosessen med å ta imot flyktningar frå Ukraina og busetja dei i kommunen følgjer same prosedyrar som busetjing av flyktninger frå andre land. 

Det er Integrerings- og mangfaldsdirektoratet (IMDi) som ber kommunane om å busetja flyktningar. 

IMDi har bedt Øygarden kommune om å ta i mot 140 flyktningar. Kommunestyret i Øygarden har vedteke å gje kommunedirektøren fullmakt til å ta i mot inntil 250 flyktningar i 2022.

Det er fleire måtar flyktningar kan verta busette i Øygarden på: 

Busetjing via IMDi

Personar som har fått opphaldsløyve, vert busett i Øygarden av Integrerings- og mangfaldsdirektoratet.

Sjølvbusetjing

Personar som har fått opphaldsløyve kan sjølv finna ein bustad og søkja om å få bu i Øygarden. Ein må ta kontakt med kommunen og avklara moglegheitene. Kommunen må også avtala dette med Integrerings- og mangfoldsdirektoratet (IMDi). 

Busetjing på eige initiativ

Personar som klarer seg sjølv økonomisk og har ein stad å bu, står i utgangspunktet fritt til å busetja seg på eige initiativ, utan avtale med korkje IMDi eller kommunen. Da har ein ikkje krav på introduksjonsprogram og ein kan også mista rett til andre ytingar.

Helsehjelp til asylsøkjarar og flyktningar

Asylsøkjarar og flyktningar i Noreg har rett til helsehjelp for fysiske og psykiske plager, rusproblem og tannbehandling. På nettsida til Helsenorge kan du lesa meir om dette både på norsk, ukrainsk og russisk.

Tilbod om helsehjelp frå kommunen

Kommunen gjev gratis tilbod til ukrainske og russiske statsborgarar som oppheld seg i kommunen og opplever situasjonen som ekstra krevjande og har behov for å snakka med fagpersonar om dette. Kontakt Sotra legevakt på telefon 116 117. 

Sjølvhjelpsprogram til Ukrainske flyktningar

Helse Bergen og RVTS vest har  utvikla eit sjølvhjelpsprogram for ukrainske flyktningar.

Målsettinga med programmet er å informere om moglege psykologiske reaksjonar og opplevingar som følgje av det å vere flyktning. Programmet inneheld også enkle øvingar og verktøy som kan vere til hjelp for å redusere stress og bearbeide vanskelege reaksjonar.

Her finn du meir informasjon

Flyktninghelsetenesta

Flyktninghelsetenesta vil syta for at nye flyktningar, asylsøkjarar og familiegjenforeinte får tilbod om helsetenester, veileder.

Kva kan du få hjelp til

• Helsesamtale innan 3 månadar.
• Råd og rettleiing om kva helsehjelp du kan få og kvar du kan venda deg
• Informasjon om og tilvising til frivillig gratis legeundersøking og gratis tannlegeundersøking
• Informasjon om lovpålagt tubekuloseundersøking
• Hjelp til innmelding i fastlegeordninga
• Tilbod om vaksinar
• Borna vil følgje det ordinære helsestasjonstilbodet 0-23 år

Flyktningar, asylsøkarar og andre personar frå land med høg førekomst av tuberkulose, og som skal opphalda seg i Noreg i meir enn tre månader, har plikt til å gjennomgå tuberkuloseundersøking innan 14 dagar etter innreise. Det inneber IGRA test (blodprøve) og/eller lungerøntgen, etter gjeldande retningslinjer.

• For personar under 18 år er det ikkje eit vilkår at personen har lovleg opphald.
• For personar over 18 år utan lovleg opphald gjev lova kun rett til nødvendig helsehjelp

Pris

Tenesta er gratis.

Opplysning, råd og rettleiing

Alle offentlege kontor har plikt til å rettleia om si eiga verksemd. Nav-kontoret har i tillegg ei utvida plikt til å gje deg opplysning, råd og rettleiing ut over eige fagområde for å bidra til å løysa eller førebyggja sosiale problem. Dersom NAV-kontoret ikkje kan gje slik hjelp, skal NAV så vidt mogleg visa til nokon som kan gje slik hjelp.

Ta kontakt med ditt lokale NAV-kontor for å tinga ein time.

• Telefon 55 55 33 33
• Besøksadresse: Grønamyrsvegen 18, 5353 Straume
• Opningstid: måndag og torsdag kl. 12.00 - 14.00

Meir informasjon om opplysning, råd og rettleiing finn du på heimesida til Nav

Informasjon om NAV på Ukrainsk

Som ny flyktning i Øygarden kommune kan du ha rett og plikt til å delta i eit introduksjonsprogram dersom du er mellom 18 og 55 år.

Meir informasjon om introduksjonsprogrammet finn du på heimesida til regjeringa

I somme tilfelle vil også familiesameinte ha rett og plikt til å delta i introduksjonsprogram. 

Mål med introduksjonsprogrammet

• Opplæring i norsk og samfunnskunnskap
• Tiltak som førebur til vidare opplæring eller jobb
• Økonomisk uavhengigheit

På nettsida til IMDi finn du informasjon om introduksjonsprogrammet

Stønad under introduksjonsprogrammet

• Deltaking i programmet gjev rett til introduksjonsstønad
• Stønaden utgjer to gonger grunnbeløpet til folketrygda på årsbasis
• Deltakarar under 25 år mottek 2/3 stønad
• Stønaden er skattepliktig

Søknad om introduksjonsprogram og norskopplæring finn du i resepsjonen på Lærings- og integreringssenteret.

Mottaksbarnehage

Terna barnehage er mottaksbarnehage i samband med flyktningar frå Ukraina.

Inntil fast busetjing kan dei som bur på mottaket på Nautnes, nytta Terna barnehage. Avtal direkte med Marita som er eingsleiar i Terna barnehage.

Om barnehagen

Terna har kapasitet til å ta imot om lag 20 barn over tre år/10 barn opptil tre år eller ein kombinasjon.

Barnehagen har fire avdelingar og har god erfaring med å ta i mot flyktningar og andre minoritetsspråklege. Personalet har kjennskap til korleis migrasjon og flukt kan påverka barna og deira føresette. Dei er godt budd og nyttar m.a. billetkort og teikn til tale som støtte for tale. Den fyste tida prioriteter dei å skape eit trygt og godt miljø, og byggja relasjon og tillit til barn og føresette. Det handlar om å etablera nye vennskap og få delta i leik og aktivitet.

Føresette er velkomne til å delta i barnehagen, i kortare eller lengre tid, saman med barnet. Dei gjer då avtalar direkte med ansvarleg pedagog.

Pris

Tilbodet er gratis.

Kontaktinformasjon

Terna barnehage
Einingsleiar/styrar: Marita Harkestad Oen
Telefon: 56 38 25 60
E-post: Marita.Oen@oygarden.kommune.no
Besøksadresse: Tjødnarvegen 59, 5337 Rong
Nettside: Terna barnehage

Kart

Avstand frå mottakssenter til Terna barnehage.

• Studies for refugees at the University of Bergen fall semester 2022 (PDF, 180 kB)
• Навчання для біженців в Бергенському університеті осінній семестр 2022 року (PDF, 20 kB)

Alle vaksne flyktningar mellom 18 og 67 år har rett til å gå på norskopplæring på Vaksenopplæringa på Straume. 
Norskopplæringa er også ein del av Introduksjonsprogrammet (for dei mellom 18 og 55 år).

Kursa startar oppatt onsdag 3. januar kl. 09.10. Kursa varer til kl. 14.20.

Velkomen!

Kontaktinformasjon

Ta kontakt med nina.pettersen@oygarden.kommune.no (tlf 55097670)

Søknad om opplæring i norsk og samfunnskunnskap

Søk om opplæring (PDF, 207 kB)

Arbeid, opplæring og introduksjonsprogram

På nettsida til IMDi finn du informasjon om arbeid, opplæring og introduksjonsprogram

For å sikra raskast mogleg busetjing av ukrainarar, er det behov for å leiga husvære og møblar.

Her finn du informasjon om korleis du kan melde inn husvære til utleige og donasjon av møblar.

Ta kontak dersom du ønskjer å bidra med frivillig hjelp.

Slik tek du kontakt med kommunen

• Du kan senda e-post til: ukraina@oygarden.kommune.no
• Det er også mogleg å ringja til innbyggartorget på telefon 56 16 00 00.