Alle bruker namneskilt, slik at du ser kven vi er; om det er hjelpepleiar, sjukepleiar, ergoterapeut, fysioterapeut, assistent eller lege. For det meste er det erfarne helsearbeidarar som møter deg. Innimellom har vi studentar, lærlingar og praksiskandidatar.

• Korttidspasientar har legevisitt normalt ein gong i veka. Kan vera oftare ved behov.
• ØH-pasientar har legevisitt to gonger om dagen.

Hovudmåltida er lagt i desse tidsromma:

• Frukost: 08.30
• Lunsj: 12.30
• Middag: 16.00
• Kveldsmat: 19.00
• Tilbod om ekstra kveldsmat før natt etter ønskje

På laurdag er det eigne tider. Det er graut kl. 13.30, «kaffemat» kl. 15.30 og varm kveldsmat kl. 18.30.

Har du spesielle behov, passer vi på at du får tilpassa kost.

• Korttid, rehabiliterings og palliativt opphald: Pris etter gjeldande døgnsatsar.
• ØH-pasientar: ingen kostnader.
• Ta kontakt med personalet for spørsmål angående kostnader.

• Det er ønskeleg at besøk finn stad mellom kl. 11.00 - 20.00 på pasientrom.
• Ved spesielle behov legg vi til rette for besøk heile døgnet.

Pårørande vaskar klede.

Fotpleiar kan bestillast ved behov.

Frisøren held til ved Fjell sjukeheim. Ved timebestilling kan vi følge til frisør.

Kantina er open frå kl. 10.00-13.30 på kvardagar.

Kvar måndag har vi tverrfagleg måndagsmøte, der vi sett forslag til utreisedato. Når du kjem til avdelinga, vil personale eller lege har dialog med deg om kor lenge du treng vere her for å komme deg trygt tilbake til heimen. 

Inntaksmøte er kvar torsdag. Det er inntaksmøte som gjer vedtak om kor lenge opphalde skal vare. Du vil få vedtak om dette, om opphaldet varer meir enn 14 dagar.

• At du fortel oss kva som er viktig for deg, for at vi skal hjelpe deg på best mogeleg måte og gje god oppfølging.
• At du gjer oss beskjed når du går frå avdelinga.
• Det er ikkje lov å røykje inne. Berre røyking på tilvist plass ute.
• At besøk venter på pasientrom under måltida, slik at det blir ro på spisestova.
• At du fyller ut evalueringsskjema før utreise.

Telefon: 55 09 62 20

Korttidsplassar sør - 3. etasje: 55 09 62 25
Korttidsplassar nord - 3. etasje: 55 09 74 25
ØH-plassar - 3. etasje: 55 09 74 54
Korttidsplassar 2. etasje: 56 12 22 20