Bygningar som er brukt til bustad, fritidsføremål, næringsverksemd, offentleg eller publikumsretta verksemd skal tildelast offisiell adresse. Ein kan også tildele adresse til stadar der mange ferdast eller treng å finne fram til, som idrettsanlegg, parkeringsanlegg, park, badeplass og gravplass.

I bygg med fleire bueiningar der ein har åtkomst frå ulike ytre inngangar, skal kvar av desse inngangane tildelast eige adressenummer.

Leilegheit/hybel i einebustadar kan også få tildelt eige adressenummer.

Adressenummer vert tildelt yte inngangar. Dei som bur i til dømes blokker/leilegheitskompleks har difor oftast same vegadresse. I tillegg vert kvar enkelt leilegheit tildelt ei unik adresse. Denne unike adressa er brukseiningsnummer. Brukseiningsnummer er del av den offisielle adressa til bebuarane i leilegheita. Brukseiningsnummer består av ein bokstav og fire siffer, t.d. H0101.

Kommunen tildeler brukseiningsnummer etter eit fast system, slik at AMK-sentralar og andre som kjenner systemet finn raskt fram i store leilegheitsbygg.

Eigar, fester, bebuar eller tiltakshavar skal bestille og merke brukseininga med adressemerke. På adressemerke skal det stå vegadresse (adressenamn og -nummer) og brukseiningsnummer.

Merket skal plasserast synleg på eller ved inngangsdøra til leilegheita.

Merking av hus og leilegheiter er lovpålagt.

Sjå utfyllande informasjon om adressemerker, bestilling av adressemerker og reglar om merking av brukseiningar på nettsida til Kartverket om adressemerker.

Døme på adressemerke: 

Kommunen skilter vegar og områder. Kommunen sett også opp tilvisingsskilt dersom det er naudsynt.

Eigar, fester og tiltakshavar er ansvarleg for at den enkelte bygning eller eigedom vert skilta med adressenummer.

Eigar, fester, bebuar eller tiltakshavar skal merka brukseininga. Merket skal vera synleg ved inngangsdør til bueininga.

I enkelte tilfelle er det naudsynt å endre på tildelte adresser. Til dømes ved fortetting eller ved endra køyremønster i området.

Registrert eigar eller registrert festar får melding før endringa skjer, vedkommande får anledning til å uttale seg. Uttalen skal vera grunngjeve og underteikna.

Kommunen er adressemynde og vedtek namn på adresseparsellar.

Lov om stadnamn (stadnamnlova) gir reglar om skrivemåten av stadnamn og saksgangen i namnesaker.

Partar, lokale lag og foreiningar inviterast til å kome med innspel og namneforslag.

Etter stadnamnlova er det berre skrivemåten av adressenamn som kan klagast på, ikkje sjølve namnevalet. Kven som kan klage på skrivemåten, går fram av stadnamnlova § 12.

Brosjyre om namnsetjing av vegar.

I områder utan vegsystem kan ein opprette områdeadresse. Spesielt aktuelt for hyttefelt, øyer/holmar, eller andre områder som ligg langt unna allfarveg.

Oppsettet er likt som ved vegadresse, med adresse-/områdenamn og adressenummer. Forskjellen er at områdeadressa ikkje er knytt til ei veglenke. Adressepunktet (husnummer) vil vera søkbare og synlege i kart som ved ei vanleg adresse.

I område der ein ikkje har adressenamn, vert det tildelt matrikkeladresse.

Matrikkeladresse er ei talrekke som består av gards- og bruksnummer, evt feste- og undernummer.