Offentlege tilrettelagde badeplassar
Lislevika på Tjeldstø er ein langgrunn sandbadefjære eigna for barn. Her er lagt til rette med stupebrett, benker og bord.
Badevatnet: Det er ikkje teke badevassprøvar her i 2024, prøvetaking vert starta opp i 2025.
Toalett: Ja
Universell tilkomst: Ja, baderampe for rørslehemma
Parkering: Ja, stor parkeringsplass.
Kart: Sjå kart her.
Skjelsanden er ei fin sandstrand i nærleiken av Kystmuseet i Ovågen.
Tilrettelegging: Her er det tilrettelagt med toalett, bord, benker, redningsbøye og grusveg.
Badevassprofil: Utmerka badevasskvalitet, men utsett for forureining ved store nedbørsmengder.
Toalett: Ja
Universell tilkomst: Nei
Parkering: Ja, ved parkeringsplassen til Kystmuseet ved hovudvegen
Kart: Sjå kart her.
Ormhilleren er ein populær badeplass, særleg for dei som har små barn. Det er grunt og til dels sandbotn. Ingen bølger frå havet kjem inn her. Likevel vert nesten alt vatnet bytta ut ved flo og fjære. Her er det tilrettelagt med toalett, grusveg, bord og benker.
Badevassprofil: Utmerka badevasskvalitet, men utsett for forureining ved store nedbørsmengder.
Toalett: Ja
Universell tilkomst: Nei
Parkering: Ja, stor parkeringsplass, rundt 10 minutt å gå til stranda.
Kart: Sjå kart her.
Kårteveitpollen er ein offentleg tilrettelagd badeplass. Her er gapahuk, grill, svaberg og badefjære egnet for barn (langgrunt) med skjellsand.
Badevassprofil: Det vert ikkje teke prøvar her i 2024, men historisk har det vore utmerka badevasskvalitet, prøvetaking vert starta opp igjen i 2025.
Toalett: Ja
Universell tilkomst: Ja, med baderampe for bevegelseshemma
Parkering: Ja, stor parkeringsplass.
Kart: Sjå kart her. (Lenke kjem.)
Geitvika er ein offentleg tilrettelagd badeplass med sandstrand, grindabygg, bord og benker, godt eigna for små barn. Her er en liten langgrunn sandfjære og bakland med grasmark. Langs Geitvika er det sett opp ei lang avtrappa natursteinsmur som kan nyttast til opphald og for tilgang til sjø og bading.
Badevassprofil: Det vert ikkje teke prøvar her i 2024, men historisk har det vore utmerka badevasskvalitet, prøvetaking vert starta opp igjen i 2025.
Toalett: Ja, HCWC
Universell tilkomst: Ja
Parkering: Ja, i industriområde i nærleiken eller i Kystbygarasjen.
Kart: Sjå kart her
Les meir på nettsiden til Bergen og omland friluftsråd.
Her er fin sandstrand, svaberg og plen. Det er populært å overnatta her i telt eller småbåt.
Badevassprofil: Basert på målingar frå 2023 og 2024 er det utmerka badevasskvalitet her.
Toalett: Ja
Universell tilkomst: Nei
Parkering: Ja, ved busstoppet på Tyssøy like etter brua. Det er ikkje mogleg å parkera nærare stranda.
Kart: Sjå kart her.
Andre badeplassar som ikkje er offentleg tilrettelagde
Ved Kvernavatnet er det ein fin tilrettelagt badeplass, med bord og benker, sandstrand, plen og flytebrygge. Det er grusveg heilt fram.
Badevassprofil: Utmerka badevasskvalitet, noko utsett for forureining ved store nedbørsmengder.
Toalett: Nei
Universell tilkomst: Nei
Parkering: Nei
Kart: Sjå kart her (lenke kjem)
Badeplassen, som ligg like ved Sotra Arena, er godt tilrettelagt med enkel tilkomst, grusveg, strand, bord, benker og bosspann.
Badevassprofil: Dei første prøvane frå 2024 viser utmerka badevasskvalitet. Det har diverre vore dårleg vasskvalitet ved Skogavatnet i mange år. Difor vart det teke ekstra prøvar i 2023, sett opp skilt for å åtvara folk mot å bada. Det er spesielt etter store nedbørsmengder at vasskvaliteten kan vera varierande. Det var til dømes god vasskvalitet i vatnet i heile badesesongen i 2022.
Toalett: Nei
Universell tilkomst: Ja
Kart: Sjå kart her (lenke kjem)
Parkering: Ja, ved Sotra Arena
Badeplassen ved Skiftedalsvatnet ligg like ved Foldnes kyrkje. Den er godt tilrettelagt og verkar å vera mykje brukt. Det er grusveg, strand, bosspann, brygger og plen.
Badevassprofil basert på siste 3 år: Utmerka badevasskvalitet
Toalett: Nei
Universell tilkomst: Ja
Parkering: Ja, ved Foldnes kyrkje
Kart:
Badeplassen ved Skiftedalsvatnet ligg like ved Foldnes kyrkje. Den er godt tilrettelagt og verkar å vera mykje brukt. Det er grusveg, strand, bosspann, brygger og plen.
Badevassprofil basert på siste 3 år: Utmerka badevasskvalitet
Toalett: Nei
Universell tilkomst: Ja
Parkering: Ja, ved Foldnes kyrkje
Kart: Sjå kart her.
Bildøystranda er ei fin, lita sandstrand, tilrettelagd med grill, men her er ikkje bosspann. Badevassprofil: Utmerka badevasskvalitet
Tilrettelegging: Nei
Toalett: Nei
Universell tilkomst: Stranda er ikkje så lett tilgjengeleg for røyrslehemma.
Parkering: Ja, på parkeringsplassen til Bildøy grendalag mot betaling.
Kart: Sjå kart her.
Smånipatjørna er ein flott badeplass med sandstrand, godt eigna for små barn.
Badevassprofil: Utmerka badevasskvalitet
Toalett: Nei
Universell tilkomst: Nei
Parkering: Ja, i industriområdet.
Kart: Sjå kart her.
Badestranden i Vorlandsvatnet er ikkje offentleg tilrettelagt, men her er benker og bord og ei lita sandstrand.
Badevassprofil: Utmerka badevasskvalitet
Toalett: Nei
Universell tilkomst: Nei
Parkering: Det er plass til eín til to biler. Det er noko meir parkeringsplass ved turparkeringa til Vorlandstua.
Kart: Sjå kart her.
Hildalsvatnet er eit ferskvatn med god vasskvalitet der ein kan bada frå berg. Her er ikkje universell tilkomst eller parkeringsplass.
Badevassprofil: Badevasskvaliteten basert på prøvar frå 2023 og 2024 er utmerka.
Toalett: Nei
Universell tilkomst: Nei
Parkering: Nei
Kart: Sjå kart her.
Heilårsbading/sauna
Heilårsbading har vorte meir og meir populært dei siste åra, og fleire tek seg ein dukkert uavhengig av kva dato kalenderen viser. Mange nyttar seg av ein av Øygarden sine offentlege tilrettelagde badeplassar, eller hoppar frå eit skjer eller ein kai med redningsstige. Dei siste åra har det òg dukka opp fleire flytande saunaer som tilbyr dampande varme mellom dukkertane. Vinteren på vestlandet kan likevel som me veit vera våt, med mykje nedbør og veldig ofte i form av regn. Dette kan by på nokre utfordringar med tanke på vasskvaliteten.
Helserisiko ved friluftbading
Øygarden kommune tek bakterielle prøvar fem gonger i badesesongen (mai-september) av 10 badeplassar i kommunen i 2024. Dette gjeld:
- Ovågen ved kystmuseet
- Hildalsvatnet, Oen
- Ormhilleren, Rong
- Kvernavatnet, Ågotnes
- Smivågen, Tyssøyna
- Smånipatjørnet, Kausland
- Vorlandsvatnet, Vorland
- Bildøystranda, Søre Bildøyna
- Skogavatnet, Sotra Arena
- Skiftedalsvatnet, Foldnes kyrkje
I Øygarden kommune er risikoen for å bli sjuk ved bading normalt liten. Kommunen overvaker 10 badeplassar ved å ta badevassprøvar som testast for e.coli og Intestinale enterokokkar. Du kan sjå oversikta over stadene i lista over. Kommunen overvaker derimot ikkje badevatnet andre stadar enn desse 10 badeplassane, og det er difor viktig at du gjer di eiga vurdering av om det er trygt å bada andre stadar. Til dømes kan det vera høge konsentrasjonar av bakteriar i sjø eller vatn der det er mykje dyr eller fugl som oppheld seg. Dette kan til dømes vera i strandkanten på dammar/bukter/våger med lite vassutskifting. Det er då spesielt små barn som er mest utsette for å bli sjuke, då dei oppheld seg i strandkanten og gjerne et sand og drikk forureina vatn. Les mer om helserisiko ved friluftsbading her.
Sjuk etter bading?
Vi vil høyra frå deg om du mistenkjer at du har blitt dårleg eller sjuk etter bading. Meld dette til postmottak@oygarden.kommune.no og merk e-posten med «til Kommuneoverlegen - sjukdom ved friluftsbading».
Mykje nedbør = dårleg vasskvalitet
Store nedbørsmengder (over 30-40 mm) vil som regel gje mellombels dårleg vasskvalitet. Dette betrar seg som regel etter eitt til to døger. Les meir om dårleg badevasskvalitet ved mykje nedbør her.
Badetemperatur
Det vert ikkje tatt rutinemessige målingar av badevasstemperaturen, men vi måler og registrerer temperaturen ca. ein gang pr. månad i samband med prøvetaking av badevasskvaliteten (bakterieprøvar). Dette vert registrert hjå yr.no.