Om aktiviteten

Vi deler dagen i to, med ei gruppe før lunsj og ei gruppe etter lunsj. Det er plass til 12 deltakarar per gruppe. 
Kvar gruppe har 3 timar og 15 min med aktivitet per dag, fordelt på: 

• 1 time trening i Minecraft (vi har administratorbrukar på Hypixel)
• 1,5 time trening i Fortnite
• 45 min fysisk aktivitet i gymsalen 

All aktiviteten er trenarstyrt, med tett oppfølging og differensiering etter ferdigheitsnivå for å sikra meistring og progresjon. Klubben har gjennomført regelmessige e-sporttreningar sidan mai 2023, slik at vi no har god erfaring med å tilpassa treningsopplegget og skapa treningar med trygge rammer, tilpassa utfordringar og god trivsel.

PC-ane våre er av topp kvalitet for e-sport. Vi har alt av datautstyr tilgjengeleg for bruk i øvingslokalet, inkludert gode tastatur og muser til alle PC-ane. Dei som føretrekker konsollstyring kan gjerne bruka det, men må i tilfelle ta med seg slikt utstyr heimanfrå. 

Det er ingen krav til forkunnskapar, men vi kjem til å setja krav til oppførsel og språkbruk for å sikra at dette blir ei trygg og positiv erfaring for alle deltakarane. Ta med innesko og drikkeflaske.

Pris

Kr. 200 for fem dagar (måndag til fredag).

Påmelding

Meld deg på her

Kontaktinformasjon

Magnus Torvik (styreleiar i klubben)
E-post: oae.oygarden@gmail.com
Telefon: 957 57 733