Bygdebøker

Ei rekke bygdebøker med lokalhistorie om dei tidlegare kommunane Sund, Fjell og Øygarden er gitt ut, og fleire vil koma i dei næraste åra.

Hausten 2023 vart dei to første banda (b. 1 og 3) i serien Øygarden bygdebok lanserte. Det er planlagt i alt åtte bøker, to med generell historie om «gamle» Øygarden og seks med gards- og slektshistorie. 22. juni 2024 blir ei ny bok lansert:

Band 4: Gard og slekt, gardsnummer 208-213. Forfattarar: Kjell Alvheim, Kenneth Bratland og Yngve Nedrebø. Denne boka omfattar gardane Hjelme, Hellesund (inkludert Hellesøyna), Lyngøyna, Hernar (inkludert Sulo), Sanden og Nordøyna.

Både dei nye bøkene og dei tidlegare utgitte bygdebøkene for Fjell og Sund kan kjøpast i innbyggartorga på Straume, i Skogsskiftet og på Rong, i tillegg til i bokhandlane på Sartor storsenter og i alle store nettbokhandlar. Bøkene i serien Øygarden bygdebok er også til sals gjennom Øygarden sogelag.

Følg Bygdebøkene på Facebook og Instagram

For meir informasjon og prisar, klikk på boksane under.

Øygarden bygdebok

Banda i serien

Band 1: Fangstfolk og fiskarbønder – tida fram til 1870. (2023)
Band 2: (Tittel ikkje fastsett.) Tida frå 1870 til 2019. (2024/25)
Band 3: Gard og slekt, gardsnummer 201-207. (2023)
Band 4: Gard og slekt, gardsnummer 208-213. (2024)
Band 5-7: Gard og slekt, gardsnummer 234-254. (ca. 2024-27)

Forfattarar

Frode Fyllingsnes (band 1 og 2), Kjell Alvheim, Kenneth Bratland og Yngve Nedrebø (band 3-7)

Her kan du kjøpa bygdebøkene

Innbyggartorga og biblioteka i Skogsskiftet, på Straume og på Rong.
Vanlege bokhandlar og nettbokhandlar.
Øygarden sogelag

Pris

Rettleiande utsalspris pr. bok er kr. 490,-.

Treng informasjon og fotomateriale

Til dei komande bøkene om (gamle) Øygarden kommune treng vi meir informasjon og fotomateriale frå innbyggarane. Vi oppmodar alle som kan bidra med slikt materiale om å ta kontakt direkte med forfattarane eller eining for kultur.

Fjell bygdebok

Desse banda er gitt ut

Band I. Det stig av hav... Natur- og kulturhistoria fram til 1700. (1996)
Band II. Gards- og slektshistoria for gardsnummer 1-19. (2005)
Band III. Gards- og slektshistoria for gardsnummer 20-29 & 59-60. (2006)
Band IV. Gards- og slektshistoria for gardsnummer 30-41. (2008)
Band V. Gards- og slektshistoria for gardsnummer 42-58. (2010)
Band VI. Mellom havet og byen. Allmennhistoria 1700-1910. (2017)
Band VII. Nærare byen. Allmennhistoria 1910-2019. (2020)

Forfattarar

Gunnstein Akselberg (I-V), Helge Askvik (I), Frode Fyllingsnes (I-V), Øystein Geber (I), Rune Hornnes (IV-V), Nils Kolle (II-V), Knut Krzywinski (I), Gaute Losnegård (VII) og Halvor Skurtveit (II-VII).