Ved oppstart av vakt

Alle rom skal sjekkast før bruk. Bruk elektronisk sjekkliste. Ved evt. feil:bruk meldingsskjema.

1. Kontroller at brannsentraltavle står i normal (drift - grønn). Ved feil på den, ring vakttelefon bygg.
2. Sett på treningslys i gymsalen/hallen (treningslys).
3. Gå ein runde i skulen/gymsalen/hallen og kontroller at det ikkje er skadar på dører, vindauga, låsesystema og lysarmaturar.
4. Sjekk at garderobane er låst og at dei som skal ha tilgang, har det, dersom dei treng det.
5. Sjå etter at førstehjelpsutstyret/hjertestartar er på plass.
6. Sjekk at nødutgangar er fri.
7. Lås opp for leigetakarar: Garderober – utstyrsrom – evt. anna nødvendig utstyr.
8. Ver synleg i hallen. Gå rundar minst kvar halve time og i alle etasjar. Slå ned på eventuell uønskt åtferd. Bruk gul vest.
9. Ballspel i vrimleområdet, garderobegang og vestibyle er FORBODE. Vis bort personar som ikkje følgjer instruks / bryt retningslinjer.
10. Tel brukarar ein gong i timen, 15 min inn i kvar trening (registrerast på eige, elektronisk skjema)

Ved slutten av vakta

1. Samle inn gløymde ting på speleflater og tribunar og legg dei i korg for dette i vestibylen.
2. Rydd speleflater og tribunar for papir, flasker og idrettstape. Flasker og papir skal i bosset
3. Tøm bosskorgene og sett i nye posar. Legg bosset i bosscontainer i avfallsrom.
4. Sjekk alle rom i hallen. Forsikre deg om at alle brukarar/besøkande er ute av hallen.
5. Lukk alle innvendige dører.

Hugs

• Setja seg inn i retningsliner, rutine og ansvar. (Dette finn du i eigen nedtrekksmeny)
• Gjera seg kjend i utleigedelane av bygget, inkludert brannførebyggjande tiltak og rømmingsvegar. Les branninstruks.
• I særlege tilfelle tek ein kontakt med hovudansvarleg for tilsyn/vakthald (i din organiasjon),om naudsynt kommunal vakt eller politi.
• Kontrollera at kvar leigetakar har rydda. Dette skal sjekkast ved skifte av leigetakar.

Ordensreglane gjeld for desse fleirbrukshallane og gymsalar:

1. Det er forbode å

• nyta alkohol og andre rusmiddel i idrettshallane
• røykja i hallen
• ta kioskvarer som t.d. flasker, boksar og liknande inn i salane og på tribunane
• bruka stiletthælar i salane og på tribunane
• bruka klister, dersom ein ikkje brukar det i samsavar med gjeldande reglement frå Norges handballforbund – sjå regelverk.

På sportsgolvet er det berre tillatt å bruka joggesko som er godkjent for idrettshallar (non marking).

2. Leigetakar har ansvar for

• at det alltid er til stades ein ansvarleg person/lagleiar
• at det er ro og orden under trening og andre arrangement
• å innrapportera skade på hus, innbu og utstyr i samband med leige

3. Leigetakar må kjenna særskilt ansvar for at

• rømmningsvegane ikkje vert blokkerte
• alt utstyr berre vert nytta på særskilt tillaga/oppmerka område, og alt utstyr vert sett på plass etter bruk
• plakatar og oppslag, tøy og anna avfall i og omkring idrettshallane vert fjerna
• leigetilhøve ikkje skal medføre ulempe for skulane som nyttar hallen til undervisning på dagtid.

4. Andre føremål enn idrett

Når hallen vert brukt til andre føremål enn idrettmå sportsgolvet dekkjast heilt med golvplater. Det må ikkje spikrast i golvet eller nyttast utstyr tyngre enn 1,2 kg pr cm2.

5. Montering/demontering av golvplater

Vaktmeister eller ansvarleg ordensvakt må vera til stades under montering og demontering av golvplater og utstyr i samband med arrangement.
Leigetakar skal sjølv syta for tilstrekkeleg hjelp til å stå for tilrigging og rydding i og rundt hallen.

6. Leigetakar pliktar å retta seg etter

• dei ordensreglar, føresegner og avtalar som gjeld for bruk av hallane
• pålegg frå vaktmeister/ordensvakt og oppvekst.

Oppgjer for skade på hall og utstyr vert avgjort av/i samråd med Øygarden kommune.

Øygarden kommune kan gjere vedtak om å nekta utleige for kortare eller lengre tid for lag/leigetakar som bryt ordensreglar, føresegner og avtaler som gjeld for hallane.

Trenar/lagleiar har ansvar for laget i treningslokalet og for garderobe som er tildelt

• Skal ha oversyn for antal personar som trener.
• Setje seg inn i retningslinjer for bruk av treningslokalet, bruk av utstyr og brannrutinar.
• Sjå til at det ikkje blir brukt skor som set merke i golv, og at det ikkje vert nytta uteskor og utefotball.
• Varsle vakt om uønskte hendingar og skadar på bygg og utstyr.
• Ta kontakt med vakta for å få uønskte personar ut av treningslokalet.
• Har ansvar for rydding i treningslokale og garderobe etter endt trening: Utstyr på plass, boss i bosskorg.

Trenar/leiar for gruppe må vera over 18 år

I tillegg til trenar/leiar skal det alltid vera ei tilsynsvakt.

Leigetakar er sjølv ansvarleg for vakthald, eventuelt i samarbeid med hovudansvarleg for tilsyn i utleigelokalet.

Det er berre personar som har treningstid som skal opphalde seg i utleigelokalet.

Notera talet på frammøtte pr. tildelt treningsøkt i skjema under.

Digitalt frammøteskjema

Skade på bygg og utstyr skal rapporterast på eige meldingskjema.
Uønskte hendingar skal rapporterast på eige meldingskjema.

AKTIVIVEST.no er bookingportalen til Øygarden kommune. Den syner kva som er utleigd i dei ulike bygga.

Her kan du finna:

• Kven som har leigd bygget/lokalet – vel AK v2 (øvst i høgre hjørne)
• Kva tidsrom som er utleigd – vel AK v2 (øvst i høgre hjørne)
• Kontaktperson på kven som har leigd AK v1 (øvst i høgre hjørne)

Alle tilsette og leigetakarar skal kjenne innhaldet i denne instruksen.

Leiarane i laget/organisasjonen skal formidle denne instruksen vidare til alle aktuelle brukarar. Faste leigetakarar pliktar å sjå til at den einskilde trenar/instruktør har minimum ei brannøving med deltakarane i leigeåret.
Trenar/instruktør fyller ut skjema for utført brannøving. (Lagrast i klubben)

Før det brenn

Du skal gjere deg kjend med:

• Rømmingsplanar / rømmingsvegar - dette finn du i eige dokument.
• Alle utgangar og naudutgangar.
• Gjer deg kjent med kvar oppmøteplass er
• Plassering av dei lokale brannmeldarane.
• Plassering av brannslangar og andre sløkkjereiskapar samt redningsutstyr.
• Bruken og bruksområde for dei oppsette sløkkjemidlar.

Når brannalarmen vert aktivert

• Steng dører og vindauge og forlat det rommet du oppheld deg i.
• Møt direkte opp på fastsett møtestad og meld deg for ansvarshavande.

Oppdagar du noko som gjeld brannsikringa som du meiner bør rettast på,
skal du varsle: Eigedomsavdelinga i Øygarden kommune: postmottak@oygarden.kommune.no

Start WIFI på mobilen - Vel Øygarden kommune gjest

• Start nettlesar (internett explorer, chrome osv.) om den ikkje startar automatisk. Vel ei side du ikke har vore på tidligare (eller: Vel ei tom side)
• Følgjande side kjem då opp:

 
Brukaren må klikke på lenka nedsti bildet, for å få opprette ein konto. Eventuelt kan ein logge på med Facebook.

 
Fyll inn:

• E-postadresse
• Mobilnummer (8 teikn)
• Kontoinformasjon vert tilsendt på SMS.
• Kontoen varer i 30 døgn

 
Vel logg inn: Og bruk brukarnamn og passord som er tilsendt på mobil.
 

Desse skal omgåande og i første omgang meldast til kommunal vakt. Dette gjeld knuste ruter, dører, vasslekkasje, låsing o.l.: 

Vakttelefon utanom normal arbeidstid for kommunale bygg; 476 06 122.