Du får oppleve blankskurte svaberg, grøne skogar, stupbratte klipper, kulturlandskap og historie. Om du har litt ekstra tid på turen er det mange plassar der det er flott å fiske, bade eller berre nyte livet i strandkanten. Du har 11 månader på deg til å fullføre dei 30 turmåla i årets Kystpass.
Ta med deg klippekortet du finn i heftet eller bruk UT-appen, og klipp deg inn/sjekkinn framme på tur-destinasjonane. Då vert du med i trekninga av fine premiar.
Pris
Kystpasset er gratis.
Korleis få Kystpasset?
Du kan hente Kystpasset i daglegvarebutikkar, på bensinstasjonar og innbyggartorga og biblioteka på Sartor Storsenter, Sund Senter og Rong Senter. I UT-appen kan du søkje etter Kystpass 2025, følg lista.
Last ned appen i Google Play | Last ned appen i Appstore
Kystpasset 2025 (PDF, 5 MB)
Kystpasslista finn du i UT-appen. Slik gjer du
- Opne UT-appen
- Skriv Kystpass 2025 i søkefeltet
- Vel Kystpass 2025 → trykk på Følg listen.
- Du er påmeldt og du kan sette i gang.
Når du skal sjekke inn (maks 100m frå turmålet)
- Opne UT-appen
- Trykk på huskelister nederst til høgre
- rykk på lister jeg følger
- Trykk på Kystpass 2025
- Scroll ned til turen du vil sjekke inn på
- Trykk på SjekkUT
- Signer i gjesteboka og ta eit bilete om du vil.
Du kan også finne turmålet ved å gå rett inn på kartet. Hugs at det ofte er fleire turpostar på same plass. For å få rette innsjekk må du sjekke inn via lista.
I lista ligg det berre Turmål (= eit gpspunkt). Her er det berre informasjon om sjølve plassen. Kvart turmål er lenka til Turforslag (= nøyaktig skildring av tur, adkomst og kart med nedlastbar gpx-fil). Denne lenka ligg eit stykke nede på sida til turmålet, under Lenker.
Forklaring profil:
- Mine SjekkUT-besøk = dine innsjekkingar.
- Mine lister = ikkje aktiv (Denne funksjonen er flytta til eigen knapp i appen).
- Mine turer = turforslag du har lagra.
- Mine offline kart = kart du har lasta ned.
Mine SjekkUT-besøk og Mine lister er dei me bruker i samband med Kystpasset.
Kystpasset vart starta av gamle Sund Turlag, som i dag har blitt Sotra Øygarden Turlag. Det første Kystpasset vart lansert i 2013, med 14 turmål i gamle Sund kommune. Kystpasset vart motteke med stor entusiasme og i åra etter har både tal turmål og eksemplarar av Kystpasset auka.
I 2019 vart det danna ei større arbeidsgruppe, med representantar frå andre lokale turlag, velforeiningar og kommunen. Denne gruppa utvikla det første Kystpasset som dekka heile nye Øygarden kommune. Dette vart starten på eit nytt Kystpass- eventyr som skulle vise seg å ha stor verdi i åra med pandemi. Mange oppdaga dette lågterskeltilbodet og Kystpasset vart kjend langt utanfor våre kommunegrenser. Øygarden kommune har mange vakre naturperler å by på. Her er det eit unikt kystlandskap med alt frå ville klipper ute i havgapet, til små strender skjult i lune viker, grøne skogar med eventyrstemning og luftige fjelltoppar. Me har noko for ein kvar smak og det er gjerne nettopp difor Kystpasset har blitt så populært.
I mars 2023 vann Sotra Øygarden Turlag folkehelseprisen i Øygarden grunna arbeidet med Kystpasset. Tusen takk for alle tilbakemeldingar frå dykk som brukar Kystpasset. Dette hjelper oss med å stadig utbetre heftet. Avslutningsvis vil vi også takke alle våre sponsorar som gjer dette heftet mogeleg.
Manglar du utstyr til turen?
På BUA i FriHuset på Ågotnes kan du låna det meste til idrett, leik og friluftsliv, både sommar og vinter, heilt gratis. Vi har ski, telt, soveposar, sekk, primus og mykje meir.
Opprett profil
Alt du treng er å oppretta ein profil på bua.no. Er du under 18 år, må ein føresett oppretta profil og registrera deg som medlånetakar. Du kan låna utstyr i inntil sju dagar.
Bålbrenning
Det er generelt bålforbod i perioden 15. april til 15. september.
Dette inneber forbod mot å tenna opp bål og grill i, eller i nærleiken av skog og anna utmark. Øygarden brann og redning kan likevel gje løyve til å tenna opp bål, om du søker om dette. Sjekk alltid kva reglar som gjeld før du tenner opp bål.
Anna nyttig informasjon