Søk om kommunale stipend

Du kan søkja om idrettsstipend eller kulturstipend.

Merk ny søknadsfrist: 15. januar.

Total tilskotssum: kr. 500.000,-
Idrettsstipend: kr. 250.000,-
Kulturstipend: kr. 250.000,-
Søknadsperiode: 17. desember  - 15. januar

Innanfor ordninga kan det bli delt ut både større stipend, på opptil 150 000 kroner, og mindre stipend på mellom 10 000 og 50 000 kroner. For å oppnå dei større stipenda må ein kunne visa til resultat på høgt, helst internasjonalt nivå. Søkarar i aldersgruppa 15-30 år vil bli prioriterte.

Foto: Øyvind Ganesh Eknes - Klikk for stort bileteFoto: Øyvind Ganesh Eknes

Idrettsstipend

Stipendet kan delast til idrettsutøvarar som utmerker seg innan sitt felt. Dei må vera busette i eller ha anna sterk tilknyting til Øygarden kommune. Stipendet kan gjevast til både einskildutøvarar og lag. Stipendet skal nyttast til vidareutvikling av idrettsengasjementet, som t.d. deltaking i meisterskap, treningsopphald og innkjøp av spesialutstyr.

Søknaden skal innehalde:

  • Grunngjeving og ein plan for bruk av stipendet
  • Budsjett eller kostnadsoverslag.
    Søkjarar må opplyse om tilknyting til Øygarden kommune, og om andre stipend dei eventuelt har motteke dei siste 4 åra.

Kulturstipend

Stipendet kan delast ut til personar eller grupper som utmerker seg særleg innanfor kunstnarleg eller anna kulturell verksemd. Stipendet vert gjeve til personar eller grupper som er busette i eller med anna sterk tilknyting til Øygarden kommune. Stipendet kan nyttast til bestemte arbeidsoppgåver, prosjekt, studiereiser, etablering eller utdanning.

Søknaden skal innehalde:

  • Grunngjeving og ein plan for bruk av stipendet
  • Budsjett eller kostnadsoverslag

Søkjarar må opplyse om tilknyting til Øygarden kommune, og om andre stipend dei eventuelt har motteke dei siste 4 åra.

Slik søkjer du

Søknad må vere elektronisk. 

Søk om idrettsstipend/kulturstipend

Søknadsfrist 15. januar.

Saksbehandling

Ein jury på fem personar behandlar søknadene og tildeler stipenda. Øygarden idrettsråd og Øygarden musikk- og kulturråd vel kvar ein representant til juryen, medan Levekårsutvalet vel to representantar. I tillegg sit leiaren for Eining for kultur og innbyggardialog i juryen. Saksbehandlar frå kultur og innbyggardialog førebur saka til juryen og har møterett på jurymøta. Det blir gjort merksam på at alle søknader, inkludert alle vedlegg, kan bli vidaresendt til medlemmer av Levekårsutvalet, idrettsrådet og musikk- og kulturrådet.

Øygarden kommune
Telefon 56 16 00 00