Bildøybakken | Foto: Sotra Link

Rundt 30 tusen køyretøy passerer Sotrabrua ein vanleg kvardag. Brua i dag har ikkje kapasitet til å takla ein så stor trafikk utan at det oppstår kø i rushtida. Fram til 2027 vil det gå føre seg anleggsarbeid i samband med det nye sambandet. Også dette bidreg til at det oppstår kø på sårbare strekningar på riksveg 555 mellom Kolltveit og Bergen.
Øygarden kommune har i 2024 starta prosjektet «God flyt». Målet med prosjektet er å få ein så god flyt i trafikken på vegane som mogleg i byggjeperioden for Sotrasambandet. Det er nødvendig å erstatta ein del av personbiltrafikken med kollektivtransport, samkøyring, sykling og gange. 

Kommunestyret vedtok den 20. juni ein omfattande tiltakspakke der summen av rundt 50 tiltak skal bidra til færre personbilar i trafikken og redusert kø. Her kan du lesa saksutgreiing og vedtak.

Oversikt over trafikktiltak for Sotrasambandet. Kart: Sotra Link

På nettsida til Statens Vegvesens finn du oppdatert trafikkinformasjon for Sotrasambandet.