Foreldra får tilbod om minimum to foreldresamtalar i løpet av året, i tillegg til ein startsamtale i løpet av tilvenningstida i barnehagen. Foreldremøte har vi ein til to gongar kvart barnehageår. Og samarbeidsutvalet har faste møter 2 gongar i året. Ein felles sommarfest i juni kvart år.

Frå kvar avdeling blir det kvar månad skreve eit månadsskriv og ein månadsplan. På tavla i garderoben vil de få info i tekst og bilete om kva som har skjedd i barnehagen. Anna info blir sendt pr epost, eller lagt i hylla til kvart barn.

Fortel barnet ditt noko heime, eller du erfarer noko som uroar deg, skal du alltid bli tatt på alvor: «Eg er glad for at du gir beskjed. Eg skal sjekke opp i dette, og du skal få ei tilbakemelding».

Gje beskjed til personalet dersom barnet ditt kjem etter kl 10.00 i barnehagen. Dette med omsyn til evt turar og anna aktivitet utanfor barnehagen.

Vi legg vekt på eit sunt og variert kosthald, og ønsker ikkje at barna skal ha ei matboks fylt med kjeks, kaker og sjokolade til frukost.

• Foreldre/foresatte betaler inn matpenger som dekker smørelunsj fire dagar i veka og varmmat ein dag i veka, drikke til alle måltid og frukt.
• Smørelunsj består stort sett av grovt brød og pålegg som kvitost, brunost, servelat/kokt skinke, salami, div smøreoster og agurk, parprika + salatblad.
• Barna må ha med matpakke til frukost og ettermiddagsmat. Frukt blir servert saman med ettermiddagsmaten.

Dei minste barna må ha med eiga vogn med vognpose til å sove i. Ved småbarnsavdelinga har vi eit eige soveskur med plass til alle vognene. Der vil alltid også ein av personale vere sovevakt. Barna treng derfor ikkje sele i vogna. Barna har ulike sovebehov, og særleg dei aller minste. Vi skal ivareta barna sine behov, men vi vil samtidig tilstrebe at barna har mest mogleg felles sovetid.

Vi markerer barna sin bursdag. Dette gjer vi ved at bursdagsbarnet får sitte i bursdagsstolen mens dei andre barna seie noko positivt om den som fyller år. Dette blir skreve ned og lagt i permen til barnet, saman med bilete frå feiringa. Barnet blir også gjort stas på med bursdagssang, lys og krone. I tillegg blir det servert smootie eller fruktfat (bursdagsbarnet bestemmer). Ellers får barnet med seg heim ein bananbåt med som personalet har lagd.

• Alle barn må vaske nevane når dei kjem i barnehagen
• Vi har rutiner på handvask før kvart måltid, etter toalettbesøk og når ein kjem inn etter uteleik.
• Personalet har rutiner på vask av bord og stolar etter alle  måltid og anna aktivitet der det trengs. Toaletta vert også sprita og tørka over minimum eit par gongar om dagen, i tillegg til det som reinhaldar gjer etter stengetid.
• Dersom barnet ditt har noko allergi eller andre ting vi må ta forhandsreglar for, må vi få beskjed om det.

Sjuke barn skal ikkje vera i barnehagen, dei har det best heime. Barnet kan vere i barnehagen når det er så opplagt at det orkar å delta i dei vanlege aktivitetane. Barnet si allmentilstand er sentral. Viktig med open dialog med dei tilsette om de skulle vere usikker. Elles er feber og oppkast indikatorar som tilseie at barnet ikkje skal vere i barnehagen.

Dersom barnet treng medisin i etterkant av sjukdom, eller ved andre høve, så kan barnehagen vere behjelpeleg med dette. De må då fylle ut medisinskjema som de får i barnehagen. Gi personalet fullmakt og informasjon ift å gje medisin.

Her finn du informasjon om når barnet må vera heime frå barnehagen

Det er ein del foreldre som ikkje ønskjer at bilete av deira barn skal bli lagt ut på internett/sosiale medium. Tar foreldre bilete av andre barn enn sine eigne skal bileta ikkje leggast ut på internett utan samtykke av foreldre. (viser til Datatilsynet).

Barnehagen ønskjer ikkje å ta ansvar for at bilete skal kome på avveige.

Barnehagane har open heile sommaren. Kommunen tek betaling for 11 månader. Alle barn skal difor avvikle minst 4 veker ferie i løpet av året. Tre av ferievekene må avviklast samanhengande i tida 15.juni til 15.august og må meldast på førehand innan 15.april. Den 4. ferieveka bør avviklast samanhengande og skal meldast to veker på førehand.

Barna må ha to ekstra sett med kleskift (inneklede) i barnehagen. I tillegg skal dei ha uteklede tilpassa den årstida vi er i. Regnklede og støvlar skal alltid vere i barnehagen. Barna skal ha innesko / tøflar. Kvar fredag skal de ta med heim kjeledress og regnklede til vask. Er kleda reine eller ubrukt, skal de likevel ta dei med heim slik at reinhaldar får høve til ekstra vask i garderoben.

Vi ber om at alle klede og sko vert merka med barnet sitt namn. Ta ein kikk i hylla ein gong eller to i veka, for å sjekke om barnet har det han/ho treng. Elles er det slik at det barnet får heim i pose som er vått eller skittent, tar de med tilsvarande i retur neste dag.