Den enkelte kan bidra til god trafikkflyt
Ordførar Tom Georg Indrevik inviterer innbyggjarane til å delta i ein felles dugnad for å sikra best mogleg trafikkflyt.
- Vi ser allereie no at trafikken har teke seg opp etter ferien. Vi kan jobba saman for betre flyt i trafikken, seier han.
IllustrasjonsfotoPå tysdag sende Øygarden kommune ut SMS til alle innbyggjarane over 18 år med lenkje til nettsida God trafikkflyt på heimesida til Øygarden. Der finn du gode råd om korleis du kan reisa, køyra og jobba smart.
Kommunestyret vedtok i juni ein tiltakspakke som skal sikra god trafikkflyt.
- Vedtaket inneber om lag 50 interne og eksterne tiltak skal sikra best mogleg trafikkavvikling fram til nytt sotrasamband står klar til bruk i juni 2027. På nettsida God trafikkflyt finn vi gode råd om korleis vi saman kan bidra til betre trafikkflyt, seier ordførar Tom Georg Indrevik.
Publisert 22.08.2024 09.45