Sotra Link

Sotra Link skriv på nettsida at gjennomslag i tunnelen er venta mot slutten av 2025. Massane frå tunneldrivinga vert frakta til Arefjordpollen og Storavatnet i Loddefjord.

Sotra Link Construction, som er hovudentreprenør på Noregs største veganlegg, har god framdrift fram mot den planlagde opninga i juni 2027. 100 gravemaskiner er i sving ute og til no er det gjennomført over 4000 sprengingar, og det er mange som vert påverka av arbeidet.

– Det er krevjande å byggja eit stort veganlegg tett inn på mange naboar og trafikk. Vi er glade for at folk er tolmodige med oss, og vi gjer det vi kan for å løysa oppgåva på ein god måte, seier prosjektsjef Lene Sælen Rivenes i Statens vegvesen. 

Ordførar i Øygarden kommune Tom Georg Indrevik, som har anleggsarbeidet rett utanfor kontoret sitt på rådhuset, gler seg over framdrifta.

– Det er no to år sidan vi markerte oppstarten og fyrte av den første salva for sambandet. Vi ser at det er stor aktivitet langs heile traséen, og eg opplever at det er god framdrift i prosjektet, seier han.

Les meir på nettsida til Sotra Link.