På nettsida til Mattilsynet er det god informasjon om fugleinfluensa og kva du skal gjera om du finn døde fuglar eller dyr.

Øygarden kommune er i gang med arbeidet med å førebu kommunen og innbyggjarane på kva som må gjerast dersom det vert eit større lokalt utbrot.

- I løpet av 2022 og 2023 har det vore nokre få tilfelle av fugleinfluensa i Øygarden som er følgde opp av viltnemnda. Ifølgje Mattilsynet er det svært liten risiko for utbrot av smitte i Øygarden. Vi er likevel opptekne av å vera førebudd på å handtera eit eventuelt utbrot, seier beredskapssjef og einingsleiar for tryggleik, June Johannesen.

Mattilsynet opplyser at det er svært lite sannsynleg at fugleinfluensa smittar over til menneske.


Foto: Pixabay