Avdøde er mor til to barn på Toftøy skule. Politiet og kommunen vel å gå ut med informasjon om dette for å unngå spekulasjon og at kommunen i best mogleg grad kan følgja opp barna.

Ordførar Tom Georg Indrevik seier at kommunen har funne det rett på eit tidleg tidspunkt å gjennomføra tiltak retta mot dei tilsette og elevane på Toftøy skule. 

-    Dette er tragisk for dei pårørande og rammar lokalsamfunnet sterkt. Det psykososiale kriseteamet har formidla kontakt mot pårørande og vil saman med barnevernet vera ein ressurs i oppfølginga. Skuleleiinga har hatt møte dei tilsette og følgjer opp med tiltak mot elevane. Vi er opptekne av at skulen får ro til å ivareta elevane og dei tilsette på best mogleg måte, seier ordføraren.

Han seier vidare at i ein slik situasjon er det viktig at ein støttar kvarandre. 

-    Som kommune vil vi hjelpa til med nødvendige tenester, seier Tom Georg Indrevik.

Dei som ønskjer å snakka med nokon etter det som har skjedd, kan kontakta Øygarden legevakt på telefon 116117.


Tekst: Vigleik Brekke