Den opne dagen er på Skjenet 2, Straume

Rv. 555 Sotrasambandet inviterer deg som er nysgjerrig på kva som skjer no, og framover til open dag i Statens vegvesen sine lokale på Skjenet torsdag 7. mars.

Dette er tredje gongen Sotrasambandet inviterer til open dag. 

Statens vegvesen opplyser at formålet med open dag er å bokstaveleg talt opna dørene og invitera interesserte til å koma innom og helsa på personane som arbeider i prosjektet i Statens vegvesen og Sotra Link. På open dag får publikum høve til å stilla spørsmål, og prosjektet presenterer status og framdrift. 

- Vi viser ferske dronebilete og syner deg 3D-modellen av prosjektet slik at du kan sjå kva vi byggjer. Tradisjonen tru vert det servert vaflar og kaffi, skriv Sotra Link på nettsida.

Kvar: Skjenet 2, 5354 Straume
Kva tid: 7. mars kl. 14.00-19.00.