Det var stort engasjement og god stemning på samlinga sist veke.

Tema for samlinga var kvinnehelse og sjukefråvær.

- Her viste Mæland til banebrytande forsking og personlege historier. Dette temaet vil det vera fokus på i prosjektet framover, seier Sletten Larsen.

«Jobben gjer frisk» er eit nærværsprosjekt i regi av Øygarden kommune som starta i januar 2022 med mål om redusert fråvær. Det er basert på ein stor studie frå Skottland og mål å auka kvaliteten på dialogen mellom leiar og tilsett. Ein opplever gjerne at krava på jobb er høgare enn det er ressursar til å handtera.

I dette prosjektet vert det lagt vekt på at det skal vera tidleg og tett kontakt mellom leiar og sjukmeld. Leiar og tilsett vert oppmoda om å snakka saman innan 24 timar. Leiar skal stilla spørsmålet; kva kan eg gjera for det, og tilsette vert oppmoda om å snakka med leiaren sin for saman å finna gode løysingar.

Etter kvart er prosjektet utvida til å motivera til fysisk aktivitet ved ha eigne treningsarrangement og samarbeid/rabattavtalar med treningssenter. Her er målet og å nå ut med informasjon om prosjektet til tilsette og minna organisasjonen om å tenkja på nærvær. Det er for tida sett inn ressursar i barnehage og enkelte einingar i helse som har høgast fråvær.

- Vi veit at stadig påminning er nødvendig for å auke nærværet på jobb. Framover skal vi ha fokus på partsarbeid og kvinnehelse og meir systematiske tiltak innan fysisk aktivitet, seier Benedicte Sletten Larsen.

Bilete: Benedicte Sletten Larsen