Kurt Rune Andreassen er Årets fyrtårn 2023. Arkivfoto.

Prisvinnaren var bortreist på dagen, men fekk via skjerm fekk han tildelt prisen.

- No vart eg veldig glad. Eg skulle gjerne vore der, sa Kurt Rune Andreassen.

Formålet med denne prisen er å heidra ein person, som anten gjennom selskapet sitt eller organisasjon har hatt ein positiv betydning for regionen. Prisen vert delt ut i samarbeid med SpareBank 1 SR-Bank. Prisvinnaren fekk eit kunstverk laga av Marianne Skjelbred.

Andreassen får prisen for at han i mange år har jobba i bedrifter med mål om næringsutvikling. I over førti år var han tilsett i CCB - bortsett frå et par år i Liegruppen på midten av 90-talet. Han vart henta tilbake og vart administrerande direktør.

- Allereie på slutten av 90-talet hadde Kurt Rune Bergen havn til Ågotnes med i strategiplanane. Han var også ein pådrivar i å få realisert ny sotrasamband.

Han vert også rosa for korleis han handterte dramaet då dokka sokk i hamna på Ågotnes.

- Verdiane som sokk vart gløymde, og i mediestormen som følgde fokuserte du på at ingen tilsette hadde kome til skade. Kurt Rune er ettertrakta og stadig hanka inn i styre og strategiarbeid, går det fram av grunngjevinga for at han vart Årets fyrtårn 2023.

Kurt Rune Andreassen er mellom anna styreleiar i Øygarden næringsutvikling KF.

Tekst og foto: Vigleik Brekke