John Alvsvåg (MDG) fremja forslag om å ikkje senda saka på offentleg ettersyn og høyring.

Planområdet er på 71 dekar og ligg på Vorland, om lag 6 kilometer sør for Skogsskiftet. Formålet  med planarbeidet er å leggja til rette for massedeponi for mottak av overskotsmassar i regionen. Når deponiet er fylt opp, vert det lagt topplag av matjord, som gjer at arealet kan nyttast til landbruk. Den aktuelle reguleringsplanen legg til rette for at 18 dekar kan fyllast opp med om lag 52 tusen kubikkmeter med overskotsmassar.

Planen er ikkje i samsvar med arealformål LNF (landbruk, natur og friluftslivsformål) i kommuneplanen. Som del av planarbeidet er det gjennomført konsekvensutgreiingar for fleire fagtema. 

MDG fremja forslag om at saka ikkje vert sendt på offentleg ettersyn og høyring før klimaeffekten av arealbruksendringa er tatt med som eit tema i konsekvensutgreiinga, og at dette vert vurdert opp mot å levera tilsvarande mengd til godkjent deponi. 

Forslaget fekk to røyster (MDG og SV). Fleirtalet (åtte røyster) støtta innstillinga frå kommunedirektøren. Dermed vert planen lagt ut på høyring og offentleg ettersyn. Åtte medlemer i PMU røysta for dette.

I saka skriv kommunedirektøren at bruk av området til landbruk etter deponering er vurdert som positivt for framtidig landbruksdrift. Likevel er mengda massar som er planlagd å deponere ikkje nødvendig for å bruka areala til anna type landbruk. Den samla vurderinga er at kommunen treng fleire massedeponi og det er positivt med auka landbruksareal. 
Orienteringar.

Andre saker

Utvalet behandla seks klagesaker og møteplan for 2025.

Det vart gjeve orientering om status og aktuelle saker ved og om overordna klima og miljøarbeid.

Her kan du lesa saksdokumenta til møtet.


Tekst og foto: Vigleik Brekke