Dagleg leir Paal Bjarnoll tok imot sertifikatet på vegner av bedrifrta.

Miljøfyrtårn er eit verktøy for sertifisering og miljøleiing som skal hjelpa bedrifter til å lukkast med den grøne omstillinga. Etter at bedriftene har dokumentert at dei kan få status som Miljøfyrtårn, er det klart for utdeling.

Malermester Morten Bjarnoll starta verksemda på Kolltveit i 1985. I 2019/2020 flytta verksemda til Ågotnes. Det er 14 tilsette i firmaet som hadde ein omsetnad i fjor på om lag 14 millionar kroner.

- Vi har både næringsaktørar og privatpersonar som kundar. Øygarden er det viktigaste kundegrunnlaget, men vi har oppdrag i heile bergensregionen. På denne tida er det mest oppdrag utandørs, seier Paal Bjarnoll som innimellom underviser i yrkesteori for dei som skal ta fagbrev.

Firmaet har jamt over eín eller to lærlingar. 

- Vi gler oss over at etter kvart har kome fleire kvinner i bransjen, seier den daglege leiaren.

Han vil gjerne rosa søstera Charlotte Bjarnoll som har hatt ein viktig ansvar i arbeidet med å få firmaet miljøsertifisert.

- Vi arbeider med å redusera transportkostnadene, og dermed utsleppet, ved at leverandørane leverer varer direkte til arbeidsplassane. Vi har el-bilar og samlar målarrestar/spesialavfall på ein tank som vert henta av BiR. Marknaden forventar at vi er miljøsertifisert, seier Paal Bjarnoll.

Ordførar Tom Georg Indrevik gler seg over at stadig fleire bedrifter i Øygarden vert miljøsertifiserte.

- Det er viktig å ta dette ansvaret, også med tanke på dei komande generasjonane, seier han.

Tekst og bilete: Vigleik Brekke