Egil Haaland Vigleik Brekke

Egil Haaland representerte Arbeidarpartiet og sat i kommunestyret i Fjell i perioden 2015-2019. Han var også medlem i kommunestyret i Øygarden frå 2019 til 2023. Egil var leiar i eldrerådet i denne valperioden, der han representerte Pensjonistforbundet, fram til han i vinter sa i frå seg vervet på grunn av sjukdom. Han har også hatt nokre andre verv i råd og utval på vegner av Arbeidarpartiet.

Egil Haaland var ein aktiv, solid og ryddig politikar som har vore med på å utvikla det samfunnet vi har i dag. Vi opplevde han som tydeleg, men også lyttande og open for å inngå samlande løysingar. Med sitt sympatiske og vinnande vesen var det alltid godt å samarbeida med Egil. Latteren sat også laust.

Dei seinare åra engasjerte han seg særleg for saker som gjaldt seniorar og dei eldre. Aktiv+ har mykje å takka Egil for. Han stod på så lenge han kunne, og han leia sitt siste eldrerådsmøte i januar i år.

Vi lyser fred over det gode minnet etter Egil. 
 

Tom Georg Indrevik
ordførar