Frå venstre; Marianne Furheim, Anders Ekanger, Kari-Anne Landro, Rikard Ledang (Sotra Gruppen) og Svein Otto Jacobsen.

Vi møtte henne saman med gode kollegaer i kommunen og Vest Næringsråd onsdag føremiddag. 

- Eg vil gjerne koma i kontakt med ungdom for å få kunnskap om kva dei tenkjer om framtida. Kva ønske har dei når det gjeld utdanning og kva snusar dei på, seier næringssjefen.

Onsdag føremiddag var dagleg leiar i Vest Næringsråd, Kari-Anne Landro, kommunikasjonsansvarleg i næringsrådet, Anders Ekanger, Svein Otto Jacobsen (leiar i kommuneplanutvalet) og ordførar Tom Georg Indrevik på plass.

- For meg er det viktig å verta kjend med og koma tettare på dette miljøet. Vi har jo eit sterkt olje- og gassrelatert miljø i Øygarden. Det er eit signal i seg sjølv at det vert arrangert ei slik messe her ute. Det er kjempepositivt for Øygarden kommune at det skjer mykje i næringa og at vi får vera med på det grøne skiftet, seier Marianne Furheim.

Marianne Furheim i samtale med Jan O. Hellevang i GCE Ocean Technology.

Også Geir Nordahl-Pedersen var innom standen til Øygarden kommune onsdag. Han stod i bresjen for den første messa for eit par tiår tilbake.

- Vi starta opp med dette for å hjelpa mindre leverandørar til å få kontakt med dei store aktørane. Det er fint at profesjonelle aktørar har teke over, seier han. 

Her er fleire bilete:

Tekst og foto: Vigleik Brekke