Det har vore stort engasjement i saka om Vestprosess-røyrleidninga. Biletet er frå eit folkemøte på Tjeldstø 7. mars 2022.Dette skal gjelda økonomisk tap knytt til både urealiserte og realiserte eigedomar som er regulerte med utbyggingsformål i reguleringsplan eller arealdelen til kommuneplanen. Kommunedirektøren tilrår at det gjennom avtale vert sikra at selskapet dekkjer alle kostnader kommunen har i samband med deira tilråding om å etablera omsynssone langs trasé for Vestprosess.
I tilrådinga går det også fram at utkast til ROS-analyse skal bli ferdigstilt, og utkastet skal etter dette bli sendt til relevante aktørar for uttale før endeleg ROS-analyse vert lagt fram for kommunestyret.
Bakgrunnen for saka er at kommunestyret i mars 2022 vedtok å leggja ned mellombels forbod mot tiltak 210 meter på kvar side av Vestprosess-røyrleidninga i Harkestad-området og i Svanevågen, inntil planspørsmål i området er endeleg avgjort. I ettertid av at mellombels forbod vart vedteken, har kommunen hatt både møte og skriftleg dialog med Gassco, utan at det har resultert i noko avklaring knytt til planspørsmålet.
I vinter har administrasjonen starta arbeidet med å utarbeida ROS-analyse for å avdekkja korleis innbyggjarane, samfunnet og omgjevnadene langs røyrtraséen kan bli påverka av tilsikta og utilsikta hendingar.
Manglande samfunnsansvar
Kommunedirektøren skriv i saka at han ikkje har opplevd at Gassco forstår deira samfunnsansvar knytt til denne saka, og at dei gjennom avtalefridom må sikra innbyggjarane våre mot framtidige økonomiske tap som følgje av deira tilråding om etablering av omsynssone.
- Det har vore mangelfull informasjon ved etablering av Vestprosess som har ført til at innbyggjarane våre står i ein uheldig og belastande situasjon. Med bakgrunn i at kommunen ikkje har opplevd at Gassco tek deira samfunnsansvar, har det vore vanskeleg for kommunedirektøren å omarbeida Gassco sitt avtaleutkast til ein avtale som kommunen ser grunnlag for å inngå, går det fram av saksutgreiinga.
Det står vidare at det likevel vert vurdert som svært viktig å få slik avtale på plass, og på den måten sikra at innbyggjarane får den økonomiske kompensasjonen som dei bør ha krav på.
Andre saker
Det er eit omfattande sakskart til kommunestyremøtet torsdag 20. juni. Mellom sakene er diverse årsmeldingar, sak om tiltak for å sikra god trafikkflyt under arbeidet med Sotrasambandet, etablering av Framtidssamfunnet, handlingsplan for Miljøløftet, detaljregulering ny fylkesveg Kolltveit-Ågotnes og styrking av ungdomstiltak på Straume.
Møtet vert halde på Øygarden rådhus på Straume og tek til klokka 09.30.
Her kan du lesa innkalling med saksdokument.
Tekst og foto: Vigleik Brekke