Førebels avgrensing av område for landanlegg med grå skravur sør for Stureterminalen

Equinor vart i 2022 tildelst lisens for lagring av CO2 i det geologiske reservoaret Smeaheia under Nordsjøen. Det er planlagt å lagra opp til 20 millionar tonn CO2 i året. Lokalisering av landanlegg står mellom Stura i Øygarden og Mongstad i Alver. Equinor startar planprosessar både i Øygarden og Alver før det vert gjort endeleg val av lokalisert i løpet av mars månad.

Konsept for transport av CO2 er todelt: 

• Ta imot CO2 med skip, mellomlagring på land og vidaresending i røyr for permanent lagring i reservoaret. 
• Frakt av CO2 gjennom røyrleidningar direkte til Smeaheia frå Europa.
   

Til hausten er det oppstart av karbonfangsanlegget i Energiparken i regi av Northern Lights. 

Mogleheitsstudie for nyskapande anlegg på Ågotnes

Plan- og miljøutvalet skal også ta stilling til ei sak om moglegheitsstudie for å etablera eit lågterskeltilbod for fysisk aktivitet på Ågotnes. 

Aktivitetsanlegget skal skapa ein møteplass som særleg treffer dei som ikkje allereie er i organisert aktivitet og er eit tiltak for å møte utfordringar i ungdomsmiljøet på Ågotnes. Prosjektet skal kartleggja korleis ein kan aktivisere dei ulike gruppene og foreslå innhaldet i eit nytt bygg. 

Bygget er tenkt oppført i tilknyting til Ågotnes barneskule og vil fungere som ein erstatning for Frihuset. Studien er finansiert gjennom Vestland fylkeskommune og er venta ferdigstilt til sommaren 2024. Finansiering av videre prosjekt, investering og drift ligg ikkje føre om må avklarast på eit seinare tidspunkt.
Kommunedirektøren tilrår at administrasjonen arbeider vidare med innhaldet i saka. 

Andre saker i PMU

• Detaljregulering for Nordre maimyra, Brattholmen
• Høyring om framlegg til omklassifisering av fem fylkesvegstrekningar i Øygarden kommune
   

Andre møte

Neste veke er det også møte i kommuneplanutvalet (5. mars kl. 14.00) og levekårsutvalet (6. mars kl. 14.00).


Tekst: Vigleik Brekke
Skisse: ABO Plan og Arkitektur