Rekordinnsamling i Øygarden
Sundag kveld klokka 22.20 var det registrert om lag 1 571 000 kroner til TV-aksjonen frå Øygarden. Dette er ein kraftig auke frå året før.
TV-aksjonskomiteen i Øygarden gler seg over godt resultat i 2024. Frå venstre;Espen Cornell Jacobsen, Ernst Einarsen, Julia Woehlert, Camilla Nygård, (Sparebanken Vest) Margareth Brown, Inger Fosse, Stine Sanden.I kontantar kom det inn om lag 290 tusen kroner. Dette er 88 tusen kroner meir enn året før. Det er registrert om lag 324 tusen kroner i digitale bøsser som spleis. Seks skular og eín barnehage i Øygarden har delteke i Spleis. Det er Brattholmen skule, Spildepollen skule, Skogsvåg skule, Bjorøy skule, Foldnes skule, Skålevik skule og Stranda barnehage.
Rådgjevar i kultur, Julia Valeska Woehlert seier at det har vore rekordmange bøsseberarar dette året.
- Vi godt «innsamlingsver», og over 200 bøsseberarar var i aksjon på sundag. Vi gler oss også over rekordmange deltakarar i Spleis og rekordinnsamling blant næringslivet (326 tusen kroner), seier rådgjevaren.
Inntektene frå TV-aksjonen går til Barnekreftforeningen, som skal etablera familiehus ved universitetssjukehusa i Tromsø, Trondheim, Bergen og Oslo.
Les om skuleløp på Skogsvåg skule og rekordinnsamling frå næringslivet.
Tekst: Vigleik Brekke
Foto: Privat
Publisert 20.10.2024 22.24