Slik ser det ut no der tunnelen frå vest startar. Sotra Link

Av omsyn til tryggleik vert riksveg 555 i starten stengd i korte periodar ved sprenging. Dette skjer utanfor rushtida. Også sidevegen frå Hjelteryggen opp mot riksveg 555 vert stengd.

Sotra Link melder at tunnelen vert om lag 650 meter lang og får to løp, med to felt i kvart løp. Gjennomslaget i tunnelen er venta mot slutten av 2025.

Arbeidstid

Tunnelarbeidet vil føregå heile døgeret, men det vert ikkje støyande arbeid mellom klokka 23.00 og 07.00. Avvik kan skje, men det vert arbeidd etter beste evne for å unngå det.

Støy

Arbeidet med tunnelen inneber pigging og sprengning, som vil føra til støy og vibrasjonar i området. Naboar vil  merka rystingar som kan kjennast godt.