Stengjer Bildøyvegen retning riksvegen
Frå måndag 10. juni vert den siste delen av Bildøyvegen retning riksveg 555 stengt i samband med grave- og sprengingsarbeid.
Raud strek markerer stengt strekning.Vegen vert stengt på strekninga mellom krysset Bildøybakken/fylkesveg 258 og krysset riksveg 555/fylkesveg 258 (sjå skisse).
Sotra Link opplyser at området må sprengjast for å leggja OPI-kabel langs Bildøyvegen. Nordgåande påkøyringsfelt frå Bildøyna vert dermed stengt i anleggsperioden.
Feltet vert stengt frå måndag 10. juni (etter morgonrushet) og ut september.
Omkøyring
Trafikantar frå Blommen/Li som skal i retning Straume må køyra via Kolltveittunnelen. Køyrande på riksvegen frå Straume og Kolltveit kan ta av riksveg 555 som normalt og køyra opp Bildøybakken.
Ved sprenging, vert trafikken stansa i ein kort periode. Dette vert varsla i god tid før sprenging. I naudsituasjonar der Kolltveittunnelen må stengjast, vil underentreprenør på staden dirigera trafikken.
Tekst: Vigleik Brekke
Skisse: Sotra Link
Publisert 05.06.2024 12.39