Stort mangfald av frivillig arbeid
Fredag ettermiddag var det mønstring av frivillig arbeid i Øygarden. 27 utstillarar frå det frivillige arbeidet viste seg fram på Sartor Storsenter på den offisielle opninga.
Tre søsken; Sofie Nytveit, Synniva Nytveit (tvilling med Sofie) og Sebastian Nytveit fekk prøva seg på køyretøyet til Røde Kors.
Øygardsveka inneheld også Fyll dagane som er knytt til Verdsdagen for psykisk helse der er fleire arrangement fram til 6. oktober.
Ordførar Tom Georg Indrevik i understreka i opningstalen at sjølv om det er eit stort mangfald av frivilligheit samla her ved kultur, helse, interesseorganisasjonar, idrett og hobby, er dette er likevel berre eit lite glimt av frivilligheita i kommunen
- Hugs også at du kan nominera til Frivilligprisen og andre kommunale heidersprisar. Fristen er 15. oktober, minna ordføraren om.
Ordførar Tom Georg Indrevik stod for den offisielle opninga.
Dette er fjerde gong det vert gjennomført Frivilligdagar. 27 lag og organisasjonar viser seg fram på stands. På Fyll dagane (psykiske helse) er det 25 utstillarar.
Knarrevik munnspillkorps gledde dei frammøtte med musikkinnslag.
Her er fleire bilete:
Publisert 29.09.2023 18.39