Seniorrådgjevar i PwC, Peder Heggdal, har vore prosjektleiar.

Øygarden kommune må gjennomføra store investeringar og omleggingar for å imøtekoma framtidas behov for helse- og omsorgstenester. Det viser ein rapport PwC Consulting der drifta i kommunalsjefområdet Helse og velferd er evaluert.

I rapporten er det lista opp 26 konkrete tiltak for å møta behovet for helse- og velferdstenester fram til 2040. Mellom anna er det ifølgje rapporten behov for å byggja ut om lag 270 heildøgnsbemanna omsorgsbustader og 132 nye sjukeheimsplassar.

PwC skriv i oppsummeringa at Øygarden kommune i dag driv tenester i kommunalsjefsområdet Helse og velferd på ein ressurseffektiv måte og med eit nøkternt bemanningsbehov samanlikna med andre kommunar.

- Samstundes har kommunen nokre utfordringar knytt til harmonisering av rutinar, prosedyrar og tenestenivå på tvers av einingar, avdelingar og geografi. Det er nødvending å gjennomføra vesentlege endringar i måten tenestene vert organisert på for å kunna levera de lovpålagde tenestene på ein god måte i årene som kommer, går det fram av rapporten.

På same måte som alle andre norske kommunar står Øygarden kommune overfor ei formidabel utfordring i åra som kjem når talet på eldre i kommunen aukar med 155 prosent fram mot 2040.

- Omstilling er nødvending

Kommunedirektør Johnny Breivik opplever rapporten som grundig og god. Rapporten viser kva behov helse og- omsorgstenestene må ta høgde for i åra fram mot 2040. 

- Saman med våre eigne utgreiingar, har vi no eit godt kunnskapsgrunnlag for å kunna ta dei rette grepa. For å lukkast, må vi gjennom ei stor omstilling. Dagens løysingar vil ikkje vera tenleg eller kostnadseffektiv nok på lang sikt. Dette arbeidet tar vi tak i allereie på nyåret. Det er også viktig å merka seg at rapporten omtaler tenestene i Øygarden kommune som gode og velfungerande. Vi må byggja vidare på det positive, seier kommunedirektøren.
I rapporten har PwC presentert tilrådingane sine fordelt på tre kategoriar før dei igjen er plassert i eit vegkart som visualiserer fordeling og prioritering av tiltaka over tid frem mot 2040.

Her er nokre av tilrådingane fordelt i dei tre kategoriane.

1  Bygg, dimensjonering og kapasitet 

(HDO: heildøgnsplassar innan eldreomsorg)

• Gjennomfør enn systematisk gjennomgang av eksisterande bygningsmasse og lokasjonar med formål å skildra byggteknisk- og funksjonell tilstand og potensiale for auka kapasitet og utviding.
• Auk kapasiteten for HDO med 141 plassar innan 2028, derav 81 nye plassar i heildøgnsbemanna omsorgsbustader og 60 nye sjukeheimsplassar.
• Auk kapasiteten for HDO med ytterlegare 155 plassar innan 2034, derav 126 nye plassar i heildøgnsbemanna omsorgsbustader og 29 nye sjukeheimsplassar.
• Auk kapasiteten for HDO med ytterlegare 129 plassar innan 2040, derav 64 nye plassar i heildøgnsbemanna omsorgsbustader og 43 nye sjukeheimsplassar.
• Planlegg og etabler ny lokasjon for å samlokalisera avlastning for barn, robustbustader for psykisk helse og rus, bufellesskap for dei mest ressurskrevjande brukarar i MMNF (menneske med nedsett funksjonsevne).
• Utgrei overgang til sentralisert kjøkenløysing.

2  Organisering, samarbeid og samhandling

•  Tilpass organiseringa av kommunalsjefområdet til å leggja til rette for at leiargruppa til kommunalsjefen kan drive utvikling og forbetringsarbeid og syta for likeverdige og heilskaplege tenester.
• Samla legetenesta, legevakta og eventuelt aksjonssenteret i samla eining.
• Organiser institusjonar og heildøgnsbemanna bustader for eldre i tre delar med eín einingsleiar i kvar del; - Nord og sør - Straume - Lokalmedisinsk senter

3  Tjenesteyting, kompetanse og bemanning

• Utarbeid ein detaljert tenestekatalog.
• Omstill til ein gjennomsnittlig pleiefaktor for langtidsplassar til 0.9, korttidsplassar til 1.0 og heildøgnsbemanna omsorgsbustader til 0.5 på grunn av redusert tilgang på helsepersonell i framida.
• Styrk satsinga på velferdsteknologi i form av kapasitet, kompetanse og infrastruktur.

Her kan du lesa heile rapporten. (PDF, 5 MB)