Han viste til at uansett resultatet av valet den 11. september, er det dette kommunestyret som har vore dei første og saman bygd Øygarden kommune.

- I tillegg til å byggja ein ny kommune, har vi vore gjennom ein pandemi, og vi opplever krig i Europa. Eg har hatt og har æra av å vera den første ordføraren i den nye kommunen. Eg har i heile perioden sagt at eg har verdas beste verv, men ikkje alle dagar er verdas beste, sa ordføraren.

Han viste til at det har vore oppturar og nedturar.

- Men det er møte med enkeltmenneske som har gjort størst inntrykk, anten om det er nokon som har mista eit barn eller det er ho som 100-åring bur åleine heime og ikkje får hjelp frå kommunen, san Indrevik og takka alle han har møtt gjennom denne tida, familien som har gitt han høve til å driva politikk, alle tilsette og alle folkevalde som har brukt mykje av tida si for fellesskapet.


Tekst og foto: Vigleik Brekke