Rong skule laurdag etter at brannen var sløkt.

Dei som skal på SFO, møter på SFO-bygget i opningstida kl. 08.00 – 16.30. Elevane på 5. til 7. trinn møter ikkje på skulen på måndag. Rektor Ingunn Bente Lie opplyser at på måndag skal skuleleiinga ta stilling til korleis undervisninga skal organiserast frå tysdag 28. mai.  Dei føresette har fått informasjon.

Leiar for eigedomsforvaltning, Christian Alsaker, seier at brannskadane er konsentrerte om inngangspartiet og i takkonstruksjonen. Sprinkelanlegget vart utløyst, og det er ein del vasskadar. Byggdrift skal no kartleggja reparasjonsomfanget.

-    Eg er glad for at det meste av inventaret er uskadd. Det same gjeld biblioteket og kleda til barna, seier Alsaker.

Skuleleiinga vil på måndag koma tilbake med informasjon om undervisningstilbodet frå tysdag.

Tekst: Vigleik Brekke
Foto: Marius Sylta