Endeleg er den etterlengta påskeferien her, og for nokre er det nydelege dagar i snøen med Kvikk-lunsj, appelsinar og sol i vente, medan for andre er det heimepåske med avslapping, påskeegg og krim som står i høgsetet.
![](/handlers/bv.ashx/i48110685-d017-4ed8-b151-4eea78d02235/w1200/q86070/k4ff9a84b0570/paske.jpg)
På Sund ungdomsskule avslutta me fredagen før ferien med besøk av påskeharen som serverte påskegodt frå påskeegget sitt. I tillegg hadde 8. trinn ein flash mob i storefri som var ganske imponerande. Dette var avslutninga på deira temaveke som har handla om folkehelse og livsmeistring, og dei har fått prøvd på å bu i kollektiv, sett opp budsjett, søkt på jobbar og fått prøvd seg i jobb. Det har rett og slett vore ein mini-start på vaksenlivet for dei.
Me vil ønskja alle ei riktig god påske frå alle oss på Sund ungdomsskule.
![](/handlers/bv.ashx/i171a2ae8-8012-41ef-927d-7cb1121dd8ae/w1200/q86071/k34f741de0c37/flash-mob-2.JPG)
Sist endra 27.03.2024 09.49