Søndag 20. oktober reiste ein delegasjon frå Sund ungdomsskule på sin aller fyrste mobilitetstur. Turen gjekk til samarbeidsskulen vår, IES Duque de Alburquerque i Cuéllar, ein liten landsby i Segovia-provinsen. Tolv engasjerte elevar deltok – seks frå valfaget Internasjonalt samarbeid og seks spanskelevar frå 10. trinn. Elevane budde hjå lokale vertsfamiliar, noko som gav dei mange nye og verdifulle erfaringar.

I løpet av veka har vi vore på turar til både Segovia og Sepúlveda, i tillegg til å vere på skulen og jobbe med prosjektet vårt. Vi fekk oppleve ein skulekvardag som er ganske ulik den vi kjenner heime, og mange har knytt venskap som vil vare lenge.