Adressenamna gjeld tre gågater i Straume sentrum, på sørvest side av Sartor senter. 
Det er foreløpig ikkje planar som tilseier at det skal tildelast adressenummer («husnummer») til gate med akode 4063. Kommunen ser det likevel kan vera hensiktsmessig med adressenamn på alle tre gatene for den samla strukturen og oversikten i området. 

Gatene er i plangrunnlaget omtala som Nygata, Øvregata og Tverrgata. Kommunen ved namneutvalet ønskjer innspel på namn som høver til adressenamn for gatene. 

Adressenamn:

Straume – Akode 4061 (blå)
Straume – Akode 4062 (raud)
Straume – Akode 4063 (grøn)

Kart

Du kan også sjå markeringa i kart på kommunen si digitale kartløysing.

Namnsetjing og prinsipp

Informasjon og prinsipp om namngjeving kan ein finne hjå Språkrådet. Sjå:

• Språkrådet - Navngivingsprinipper for adressenavn 
• Språkrådet - Nye stadnamn - namnemønster og ordtilfang. 

Her følgjer ei oppsummering av informasjonen frå Språkrådet

Eit viktig prinsipp er at namnet bør byggja på den lokale namnetradisjonen. Det vil sei at ein forsøker å føre vidare lokale, tradisjonelle stadnamn og namnemønster i adressetildelinga. Ein generell regel er at dei namna som blir valde, skal gli naturleg inn i det eksisterande namnemiljøet.  

Det er fleire eksempel på korleis ein kan lage nye adressenamn. Den enklaste måten er å ta i bruk eksisterande stadnamn. I mange høve vil adresseobjektet liggje slik til at det ikkje finst høvelege namn å velja mellom. Då kan det vere aktuelt å lage nye namn på grunnlag av dei få eldre namna som finst i området, t.d. eit gardsnamn eller eit anna stadnamn som er nytta på området. 

Ein annan tradisjonell måte å namngje ein lokalitet på er å nytte «retningsnamn», dvs. at det til eit eldre, innarbeidd stadnamn blir lagt til eit førsteledd som plasserer gata eller feltet i høve til ein meir kjend stad. 

Nye stadnamn kan også samlast i tema eller grupper. Ein bør då bruke tema som høver på staden. Døme på gruppenamn: terrengformasjonar, dyr og fuglar, namn på lokale personar, planteliv, klima, fisk og fangst, industri, handverk og liknande. 

Lovgrunnlag

Kommunen sitt arbeid med offisielle adresser og adressenamn er heimla i matrikkelloven §21 og matrikkelforskrift §51. Skrivemåten skal fastsetjast etter reglane i lov om stadnamn, jf. matrikkelforskrift §51.

Når høyringsfristen er ute

Stadnamntenesta på Vestlandet (Språkrådet) vil koma med uttale på namneforslaga som vert lagt fram i saka, og fastset skrivemåte etter lov om stadnamn med tilhøyrande forskrift. Deretter vil administrasjonen i kommunen gjera ei vurdering av innkomne uttalar og innspel, og utarbeida eit saksframlegg til vidare handsaming. Det endelege vedtaket vert kunngjort på heimesida til kommunen. 

Innspel

Dersom de har innspel til adressenamn, kan de senda dette til kommunen via:

Skjema for høyringsuttal

eller:

• e-post: postmottak@oygarden.kommune.no
• brev til: Øygarden kommune, Ternholmvegen 2, 5337 Rong 

Høyringsfrist: 25.04.2025

Hugs å grunngje namneforslaget dykkar, og vis til kva for adresseparsell/gate de har sendt inn forslag til. 

Vis til saksnummer 25/4027.