Kort om planen

Multiconsult har på vegne av Sigba Eiendom AS utarbeidd framlegg til detaljregulering for
Mustadbakken GBNR 40/1 - Knarrvika, (planID:20220001).

Planområdet ligg på Knarrvika, like sør for dagens RV 555 og Sotrabrua. Det nye Sotrasambandet er planlagt like sør for planområdet. Planområdet består i dag av eit etablert industriområde med industribygg og interne vegar. Planforslaget legg opp til ei vidareføring av dagens industriaktivitet. Føremålet med planen er å effektivisere og betre tilhøva for dagens drift på industriområdet, og legge til rette for miljøforbetring. Planen legg til rette for riving av fleire av dei eksisterande industribygga, og det vert opna for etablering av nye industribygg som svarar til industriens behov og utvikling i takt med samfunnet elles. Det vert lagt opp til uteområde knytt til industribygg, felles parkeringar, betre trafikale løysingar internt i planområdet og betre trafikale tilhøve for fotgjengarar.

Detaljreguleringa vil erstatte mindre delar av områdereguleringsplan for RV 555 Sotrasambandet parsell Kolltveit - grense Fjell/ Bergen kommune (PlanID: 124620130001) og reguleringsendring på del av gnr. 40 og 41 – Knarrevik industriområde (PlanID:124620030002).

Vedteke plankart

Perspektiv av fleire av industribygga innanfor planområdet, sett mot vest. Kjelde: HLM Arkitektur AS

Du har rett til å klage

Vedtak gjort av kommunen etter plan- og bygningslova kan bli klaga på til Statsforvaltaren av part, eller andre med rettsleg klageinteresse, jf. plan- og bygningsloven § 1-9 og forvaltningslova kap. VI.

Klagefristen er tre veker frå det tidspunktet underretning om vedtaket er motteke av
vedkommande part, dvs. vart lagt i dykkar postkasse, postboks eller vart overlevert på annan
måte. Klaga må setjast fram skriftleg.

Klage skal stilast til klageorganet (Statsforvaltaren), men sendast til Øygarden kommune som:

• elektronisk høyringsinnspel
• e-post til postmottak@oygarden.kommune.no
• brevpost til Øygarden kommune, v/Areal og samfunnsplan, Ternholmvegen 2, 5337 Rong

Dersom klagebrevet vert postlagt innan klagefristen, er dette tilstrekkeleg for at klaga er framsett i tide. Ei klage er å rekna som offentleg dokument, og kjem på postlistene til kommunen. Vi ber om at de ved all kontakt med oss gjev opp saka sitt saksnr. 21/25967.

Sjølv om klagerett ligg føre kan som regel vedtaket verte gjennomført straks. Det er likevel mogleg å be om at iverksetjing av vedtaket vert utsett inntil klagefristen er ute eller klaga er endeleg avgjort, jf. forvaltningslova § 42. Kommunen si avgjerd om å gje eller avslå ein slik førespurnad om utsett iverksetjing er ikkje eit enkeltvedtak som kan bli klaga på.