Planprosessen
Privat reguleringsplan etter Plan- og bygningslova kapittel 12, der privat grunneigar, tiltakshavar (utbyggar) m. fl. tek initiativ til og deretter utarbeidar planforslag. Ein reguleringsplan består av arealplankart, med tilhøyrande føresegner og planskildring som skildrar bruk, vern og utforming av areal og fysiske omgjevnader.
Forslag til plan vert sendt til kommunen, som deretter tek over ansvaret for sakshandsaminga med innhenting av merknader til planen og eventuelt krev endringar i planen før den blir lagt fram for vedtak i kommunestyret.
Planstatus
Kommuneplanen sin arealdel: Planområdet er i kommuneplanen avsett til LNF med omsynssone landbruk H510_15.
Planområdet
Planområdet utgjer om lag ca 84 daa og er ubygd. Terrenget er småkupert med nokre markerte høgdedrag. Der er lite vegetasjon. Tiltaket medfører ei utviding av en allereie eksisterande jord- og steintipp. Her har det blitt teke imot jord- og steinmassar i fleire år.
Ein jord og steintipp er eit areal som blir opparbeidd og som skal bli beite eller dyrka mark når det er ferdig. Planområdet inneheld ein allereie godkjent steintipp som det no er planlagt utviding av.
I tilknyting til eksisterande massedeponi er det allereie sikra tilkomst på midlertidig veg. Denne tilkomsten er frå kommunal veg, Ulvøyvegen, som går langs sørsida av planområdet.
Planen sitt føremål
Hovudintensjonen med planen er å legge til rette for massemottak med tilrettelegging for maskinell jordbruksdrift ved sluttføring.
Viktig tema som vil bli handsama i prosessen vil mellom anna være:
- Utgreiing av naturmangfald
- Kartlegging av naturtypar
- Raudlista artar
- Hjortetråkk
- Sedimentutslepp i vassdrag og sjø
- Støv
- Støy
- Terrengtilpasning
- Grøntstruktur og friluftsliv
- Risiko og sårbarheits analyse
Konsekvensutgreiing
Krav til KU er heimla i «Forskrift om konsekvensutgreiing» §8: Plan etter bokstav a ), Vedlegg II punkt 11 bokstav k), Deponier for masse på land og i sjø større enn 50 dekar eller 50 000 m³ masse. Planen er vurdert til å kunne få vesentlege konsekvensar for miljø og samfunn jf. §10, 2. ledd a, b, c og 3. ledd § d,e,f og h. Konsekvensutgreiinga krev ikkje planprogram eller melding.
Forslagstillar og konsulent
Forslagstillar er Norolf Sæle. Stracon AS er utførande konsulent for planlegginga.
Merknader til varsel om oppstart
Referat frå oppstartsmøte, varslingsbrev og annonse kan sjåast på Stracon si heimeside.
Merknader som kan ha verknad for planarbeidet kan sendast via e-post: post@stracon.no
Eller til:
Stracon AS,
Leirvikflaten 15B,
5179 Godvik
Merkast: ”7169 – Detaljregulering Masedeponi Søre Sæle” Alle mottekne dokument, merknader og andre innspel blir sendt Øygarden kommune saman med planforslaget.
Merknadsfrist
Frist for merknader er sett til 29.02.20.
Vidare saksgang
Etter at merknadsfristen er ute, vil planforslaget bli utarbeida og deretter sendt til kommunen for handsaming. Etter førstegangshandsaming (politisk- i det faste utvalet for plansaker) vil planen bli lagt ut til offentleg ettersyn i 6 veker. Det vil då vere mogleg å kome med merknader til planforslaget før vidare politisk handsaming.