Kunngjeringsdato: 04.01.2023
Merknadsfrist: 17.02.2023
Saksnummer: 22/6642
Arealplan-ID: 20220003
Opne i plankart: Kommunekart
Plandokument: Planregister
Status: Varsel om oppstart av plan og offentleg ettersyn av planprogram
Gardsnamn: Blom
Vedtak i Utval for plan (UFP)- 08.12.2022- 177/22
- Utval for plan vedtek oppstart av områderegulering Energiparken Sør, planID 20220003.
- Utval for plan fremjer framlegg til planprogram for områderegulering Energiparken Sør, planID 20220003, og legg dette ut til offentleg ettersyn i minst 6 veker.
- Ved endeleg vedtak av områderegulering for Energiparken Sør, planID 20220003, vil planen overstyre følgjande planar for dei områder planen gjeld:
- detaljregulering for Northern Lights II, planID 20210011
- detaljregulering for Naturgassparken, planID 125920150002
- detaljregulering for Blomenuten bustadfelt, planID 125920120011
- reguleringsplan for Blom bustadfelt, planID 125920080001
- reguleringsplan for Kollsnes næringspark, planID 125019970002.
- reguleringsplan for 300kv jordkabel, planID 125919970001
Planoppstart, og offentleg ettersyn av planprogram, vert med dette varsla i samsvar med plan- og bygningslova sine §§ 12-8 og 12-9.
Områderegulering for Energiparken Sør skal vidare regulere avsett næringsareal i kommuneplanen. Tiltakshavar Naturgassparken Vest AS og kommunen deltek i eit offentleg-privat samarbeid om utarbeiding av planen. Totalt vert det meldt oppstart på 1,6 km2.
Det skal leggast til rette for storskala etableringar innanfor grøn- og berekraftig industri. Aktuell industrietablering i området kan vere produksjon av ammoniakk, lavkarbon hydrogen, batteri eller andre produsentar som nyttegjer seg av karbonfangst- og lagring. Planprogrammet er tydeleg på at etableringar må bidra i grøn omstilling og vere berekraftig.
Det vert vesentleg å sikre gode samdrift og synergiar mot andre etableringar i Energiparken og Kollsnes. Planområdet er sett stort for å sikre gode buffersoner mot nærområda og verdiar i området. Meir informasjon om planarbeidet er tilgjengeleg i planprogrammet.
Eit planprogram skildrar den vidare prosessen for planarbeidet og kva krav som stillast til utgreiingar for å sikre verdiar i området. Energiparken Sør skal utarbeidast som ei områderegulering. I områdereguleringar vil det vere krav om konsekvensutgreiing etter forskrift om konsekvensutredninger. Følgjande tema er foreslått konsekvensutgreiia i planen:
- Kommunalt, nasjonalt og internasjonalt fastsette klima- og miljømål
- Landskapsbilete og massehandtering
- Nærmiljø og friluftsliv
- Naturmangfald
- Kulturmiljø
Planområdet er stort og kan påverke mange eksisterande eller pågåande planar i Energiparken og Blom. Det er ikkje lagt opp til særskilde endringar i dei fleste av planane. Det vidare arbeidet med Energiparken Sør vil konkretisere trong for eventuelle endringar.
Reguleringsplanar som kan vert meir eller mindre påverka er m.a.:
- Pågåande prosess på Ljøsøy nord (nord for planområdet) – vidare realisering av næringsareal i detaljregulering for Naturgassparken (planID 125920150002)
- Pågåande planar om landbasert oppdrett Oksneset i nord – detaljregulering Oksneset (plan ID 125920080004)
- Pågåande planprogram ny veg Blom-Energiparken
- Detaljregulering Northern Lights II (planID 20210011)
- Detaljregulering Northern Lights (planID 125920180001)
- Detaljreguleringsplan i Energiparken Vest (planID 20210002)
- Detaljregulering Naturgassparken (planID 125920150002)
- Reguleringsplan for Blomenuten bustadfelt i sør (planID 125920120011)
- Reguleringsplan for Mongstad gassrøyrleidning i vest (planID 125920060011)
- Reguleringsplan for jordkabel langs FV561 - 300 kV jordkabel (planID 125919970001)
- Reguleringsplan for Blom bustadfelt i sør (planID 125919970001)
Innspel og merknader
Det er opning for å komme med merknader til både oppstart og sjølve planprogrammet.
Eventuelle merknader og innspel kan formidlast kommunen som:
Me ber om at de ved all kontakt med oss gjev opp saka sitt referansenr. 22/6642.
Høyringsfrist for merknad til oppstart og planprogram er sett til fredag 17. februar 2023.
Planprogram, varslingsdokument og planområde er tilgjengeleg i kommunen sitt planregister.
Velkomen til folkemøte!
Tiltakshavar Naturgassparken Vest held folkemøte måndag 9. januar 2023 i Blomvåg barnehage klokka 18.00. I møtet vil det og informerast om Statnett sine planar i området.